ICH Hanns der Oechsel Purger ze Tullen vnd ich Dorothea sein hausfraw vnd all vnser erben vnd miterben veriechen vnd tuenn kund offenleich mit dem brief allen lewten gegenbu^ertigen vnd ku^enftigen das wir mit wolbedachtem muet vnd mit gu^etleichem willen zu der czeit, do wir das mit recht wol getuen machten vnd haben Recht vnd redleich verkauft vnd hingegeben vnsern ledigen vnuerchumerten hof gelegen zu Tewfelsdorff mit seiner zu^egeho^erung mit e\akcher mit wismad mit wayd vnd davon man ierleich dint dem Erbirdigen geistleichen herrn hern lohannsen Brobst zu Herczogenburg vnd dem gannczen Conuent daselbs. dreystund in dem iar zu der liechtmess vierczechen schilling wyenner pfennig, zu pfingsten vierczechen schilling wyenner pfennig vnd zu sand Cholmans tag vierczechen schilling wyenner pfennig vnd nicht mer. Den vorgenanten hof mit allen den rechten vnd nuczen vnd mit aller seiner zu^egeho^erung ze veld vnd ze dorff als der mit Rain Stain vnd mit andern marichen vmbvangen ist, nichtz dar Inn ausgenomen Also haben wir den ze kchauffen gegeben dem beschaiden Taman dem Paewrlein vnd Barbara seiner hausfraw vnd irn bayden erben vmb ein Sumb wyenner gelts der wir gancz vnd gar von in ausgericht vnd gewert sein worden an allen schaden, vnd daran vns wol genu^eget hat das sew nu^e hinfu^er mit dem vorgenanten hof ze veld vnd ze dorff vnd mit aller seiner zu^egeho^erung allen iren frum damit schaffen niessen nuczen mit verseczen verkchauffen geben vnd machen wem sy wellent an allen irsal wye in das allerpest ku^embt vnd fu^egsam ist Vnd des benanten hofs mit aller seiner zu^egeho^erung sey wir erstgenanten Ich Hanns der O^echsel Purger ze Tullen vnd ich Dorothea sein hausfraw vnd all vnser erben vnd miterben des vorgenanten Taman des Pa^ewrlein vnd Barbara seiner hausfrawn vnd irer bayder erben recht gwer scherin vnd fürstand für all ansprach als solichs kchauffts gu^ets scherm recht ist in dem Lannd ze O^esterreich. . . . Vnd des zu warer vrkchund vnd gu^eter sieherhait hinfu^er So geben wir egenant ich Hanns der O^echsel Purger ze Tullen vnd ich Dorothea sein hausfraw vnd all vnser erben vnd miterben dem benanten Taman dem Pa^ewrlein vnd Barbara seiner hausfrawn vnd iren bayden erben den offen brief besigelten mit des erbirdigen geistleichen herrn hern Johannsen Brobst zu Herczogenburg Anhangunden Insigel den wir vleissichleich darvmb gepeten haben vnd der sach ist geczeug durich vnserr vleissigen gepet willen der Edel Ekchart Pelannter Burger ze Herczogenburg mit seinem anhangunden Insigel ym vnd seinen erben an schaden, vnd darvnder wir vns verpinden mit vnsern trewn in aydes weys. alles das stet ze haben das vor an dem brief geschriben stet. Geben nach christi gepurd vierczechenhundert Iar vnd darnach in dem fu^enfvnddreissigisten iare an Mitichen vor vnser frawntag der Liechtmess.

Source Fulltext: FAIGL, Herzogenburg (Wien 1886) S. 424-425