ICH Barbara weilent des edeln Hannsen des floytten seligen witib Vergich fu^er mich vnd all mein erben vnd tun kund offennleich allen leuten mit dem brief Das ich mit gu^etem willen zu der czeit do ich das wol getun mochtt Auch mit Hannden des erbern weisen Chunraten des perbmhaubts Stat Richter zu Klosternewnburgk vnd die czeit perigmaister daselbs Auf der Ersamen Geistlichen herren vnd klosterfrawn gut des Goczhaws zu pullgarn verkauft habe ein halbes Ieuch weingartten Gelegen im wolfsgraben zunachst Thomans des pranpirpairs weingartten Dauon man Ierlichen dint dem egenantten Goczhaws zu pullgarn anderthalben emmer weins ze perkrecht vnd drey wienner phennig ze voitrecht Als das mit alltter herkomen ist vnd nicht mer Den yeczgenantten weingartten hab ich mit allen den Nuczen vnd Rechten Als ich den vnuersprochennlich in perckrechts gewer Innegehabtt vnd herbrachtt hab vnd als er von alltter herkomen ist Rechtt vnd Redleich verkaufft vnd geben vmb ein Sum gellts Der ich aller enndtrichtt pin ze Rechtten tegen Dem Erwirdigen Geistleichen herren hern Johannsen Brobst sand Jorign Goczhaws zu Herczogenburgk vnd dem gannczen Conuendt gemainclich daselbs fu^erbaser ledicklichen vnd freyleichen ze haben vnd allen Irn frumen damit ze Schaffen verkauffen verseczen vnd geben wem Sy wellen vnd alles das damit tun vnd hanndln Das in vnd Irm Goczhaws am aller pesten fu^egund ist vngeuerleichen Ich pin auch mitsambtt allenn meinen erben vnuerschaidenlich des vorgnantten weingarttens Ir Recht gewern vnd scherm für alle ansprach Als soleichs kauffs perckrechts vnd des lanndes ze O^esterreich Recht ist angeuerde . . . vnd das der kauffs fürbaser stet vnd vnczerbrochen peleib Des zu ainer warn vrkund Gib ich in daruber den brief Besigiltn mit meinem Anhangundem Insigil vnd mit des egemelten perigmaisters Kunraten des Perbmhaubts Anhanngundem Insigil Der sach ist geczeug durich meiner vleyssigen pet willen der edl Peter der Mu^eestinger mit seinem Angehangen Insigil Im vnd sein erben an schaden. Geben an freytag Nach Inuocavit Inn der vasten Nach kristi gepurd virczehenhunndertt vnd in dem ains vnd virczigistem Iare.

Source Fulltext: FAIGL, Herzogenburg (Wien 1886) S. 452-453