ICH Jacob Mulner von Mynnpach vnd ich Margret sein hawsfraw veriehen fu^er vns vnd all vnser eriben vnd thun kund Offennleich mit dem brieff allen den er fu^erkumbt gegenbu^ertigen vnd kunffting Das wir nach Ratt vnd mit guetem willen vnd mit lechen Herrn Hannden des Erwirdigen geistleichen herrn hern Johannsen Brobst sand origen Gottzhawss zu Herczogenburg Haben wir Recht vnd redleichen verkawfft vnd zw kawffen gegeben vnser Mull dacz sand Jorigen gelegen mit aller Irrer zwegehorung dem Erbern Petern dem Mullner vnd Anna seiner hawsfrawn vnd irn paidn eriben Vmb ain Sumb gelts der wir von In vnd irn eriben gancz vnd gar ausgericht vnd peczalt sein worden zw rechten tegen an allen vnsern schaden dauon man dient dem vorbenanten Brobst vnd seinem Gotzhaws zw Herczogenburg vnserm gena^eding Herrn Jerleich an sand Jorigen tag Newn vnd zwainczig wienner phening vnd von ainer wisen dew ist nwn ein pemstatt Newn wienner phening auch an sand lorigen tag vnd an sand Mertens tag drey vnd Sechczig wienner phening vnd zwo vaschang Henn des alles nicht mer. Es schol vnd mag auch der vorgenant Peter Mulner an der Sidlmull dye zeit gessessen vnd Anna sein hawsfraw vnd all ir paider eriben mit der vorgenanten Mull allen irn frum woll damitt schaffen mit verseczen mit verkawffen Schaffen machen vnd geben wem Sy wellent an mein vnd meiner eriben vnd menigkleichs von vnsern wegen Irrung vnd hindernuss Wir sein auch des egenanten Petern Mulner an der Sidlmul seiner hawsfrawn vnd ir paider eriben der vorgenanten Mull Ir recht gewer schermb vnd fu^erstand fu^er all Rechtleich ansprach als dann solleichs kauffs vnd des lanndes zw O^esterreich Recht ist. . . . Mit vrkund des briefs Besigilt vnd bestett Mit des Erwirding Geistleichen Herrn Hern Johannsen Brobst sand Io^erign Gotzhaws zw Herczogenburg Anhangunden Insigil den wir mit vleiss darumb gepettn haben vnd zw pesser sieherhait So haben wir mit vleiss gepeten den Erbern weysen Hannsen den Melkchaimer die zeitt Richter zu Herczogenburg das er der sach geczewg ist mit seinem Anhangunden Insigil Im vnd sein eriben an schaden. Vnder der obgenanten zwayer Sigil verpinden wir vns mit vnsern trewn an aydes statt alles das war vnd stett zw haben das an dem brieff geschriben stett Der brief ist gegeben worden als man zalt von Kristi gepurd virczehenhundert Iar darnach in dem ains vnd virczigisten Iare an der heyling dreyer Kuning tag.

Source Fulltext: FAIGL, Herzogenburg (Wien 1886) S. 451-452