ICH Lewpoldt van Neydekch die zeit Phleger zu Gars Vergich fu^er mich vnd all mein eriben vnd tw^enn kund offenlich mit dem Brieff das vns der erbirdig geystlich herr her Johanns Brobst Sand Georgn Gotzhaws zu Hertzogenburg vnd der Conuent daselbs durich sunderer lieb vnd gunst willen Inbestandes weys verlassen habent ires gotzhaws Zechent gelegen zu Czaekking chlain vnd grossen alls der von alter irem gotzhaws vnd In zugeho^ert allain auff die nachstku^enftigen zweliff Iar nach datum des Brieffs also beschaydenlich das ich vnd mein erben In la^erleich dauon raichen vnd geben schol ain Mut waytz ain Mut korn zwen Mut habern zu verlust vnd ze gwin vnd schol die awsrichten an alles vertziechn dew zweliff Iar In irn kasten zu Hertzogenburg zu sand Gilign tag getrewlich vnd vngeuerlich Es mag auch der egenant Herr Brobst Johanns vnd der Conuent daselbs mit dem vargenanten zechent klain vnd grossen vnd mit aller gerechtikait so darauff ist nach den zweliff iarn darnach selber Infuern oder in bestandes weys lassen mir oder andern lewten oder wer In dan fueglich dartzu ist an mein vnd meiner erben vnd meniklichs von meinen wegen irrung vnd widersprechung Auch schol vnd will ich vnd all mein eribn noch nyemant van vnsern wegen sew In den andern irs gotzhaws zechenten irrung noch hindernuss twenn vngeuerlich Twenn wir aber des nicht was sew dann des benanten zechent schaden nement wie der schaden genant wirdet chainer ausgenomen den ainer vngeswarn mit slechten warten gesprechen mag der den Brieff fu^erpringt den selbn schaden mit sambt dem obgenanten hawbptgut geloben wir In mit vnsern trewnn gentzlich ausczerichten vnd widerczechern an allen iren schaden Si schullen auch hawptgut vnd schaden haben zu vns vnd vnsern eriben vnuerschaydenlich vnd auf allem vnserm gut das wir haben Indem landt ze O^esterrich oder wo wir das haben Es sey eribgut oder varundt gut wie das genant ist nichts awsgenomen des sew dann der landesfu^erst sein landmarschalich anwelt oder wer Irn gwalt hat an fu^erladung chlag vnd gericht so vil zephant In antburten nucz vnd gwer seczen vnd gewaltig machen schullen wo sy darauff zaygent oder cho^ement So verr das sew des obgenanten irs zechents vnd auch schadens gancz vnd gar dauon awsgericht vnd gewert werdent wir sein lembtig oder tod, vnd wer auch den Brieff mit ierem guetem willen Inhat vnd fu^erpringt dem sey wir alles des schuldig vnd gepunden ze gelten vnd ze volfuern das an dem Brieff geschriben stet zu gleicher weys alls in selber Vnd des zu vrkund So gib ich In den Brieff fu^er mich vnd all mein eriben Besigilt mit meinem anhangunden Insigil der da geben ist nach Christi gepurd virtczechenhundert vnd darnach In dem funfvndvirtzigisten Iare an sand Iacobs des Heyligen zwelefpotn tag.

Source Fulltext: FAIGL, Herzogenburg (Wien 1886) S. 467-468