Ego Gryffo de Wienna presentibus et futuris cupio fore notum quod, cum inter honorabiles viros dominos Pabonem prepositum et totum capitulum Newnburgensis Ecclesie ex parte vna, et dilectum patrem meum dominum Ottonem de foro felicis memorie et me ac meos coheredes ex altera super curia quondam domini Reyngeri de hadmarsdorf sita in arta strata questio aliquamdiu verteretur, tandem inter ipsos et me de consilio virorum prudencium cessante omnino questione predicta tale medium est inventum de utriusque partis spontanea voluntate, quod ego dictam curiam cum areis ad ipsam pertinentibus, sex solidos denariorum wiennensium minus quinque denariis annis (singulis) servientem, Ecclesie Newnburgensi absolute tradidi et dimisi perpetuo possidendam, ipsique prepositus et capitulum michi vnam libram denariorum de quodam prato infra Ryeczendorf et aychowe sito, hospitali in Newnburch annuatim servire debenti septem solidos, perpetuo relaxarunt in concambium curie memorate, ita quod tantumodo triginta denarios in festo s. Michahelis servire debeo annis singulis de eodem, et huius concambii me constituo legitimum defensorem, dans nichilominus presentes literas in testimonium premissorum mei sigilli munimine communitas. Testes, de quorum consilio hec facta sunt, inferius adnotantur D. Dittricus de Chalnperge et Chvnradus frater ipsius, Vlricus de Chriczendorf, fridericus hutstok milites, Cholo officialis, Vlricus amwicmarcht, Vlricus filius Chvnonis, Rugerus list, Sifridus de hadmarsa, Otto chreucer et alii plurimi fîde digni. Datum Newnburge Anno doinini M°CC°LXXXIII°.

Source Fulltext: ZEIBIG, Klosterneuburg (=FRA II/10, Wien 1857) S. 31-32