Ich Wernhart vnd ich Ernst zwen prueder von Sweinswart - daz der ersam herre her perchtold Brobst ze Newnburch allain durch vnser pet willen vnd durch chain ander sache Weicharten dem Leisengange enpholchen hat daz ampt ze zuchrosnevsidel mit so getaner beschaidenhait, daz weder er, noch sein erben gegen dem selben ampt chaine rechte ander weder haben schulen, noch emungen, wan wenne der selbe weichart also wurchet mit dem selben ampt, daz es dem vorgenanten Brobst perchtolden vnd seinem gotshaus nicht gevellet, daz er danne hat frei wal vnd vollen gewalt ze nemen daz vorgenant ampt in sein gewalt - Dez sint geczeuge her Wernhart, der schiver, Gerunch chol, Durinch von Mevrlinge, Johannes von Nuzdorf, Ruger von der heiligen Stat. - Diser prief ist geben ze Newnburch, da man zalt von Christes gepurte drevzehen hvndert iar dar nach in dem ainleften iar in der phingstwochen.

Source Fulltext: ZEIBIG, Klosterneuburg (=FRA II/10, Wien 1857) S. 123