Ich Ruedolf vnd ich Elspet sein chvn wir vergehen - Daz wir dem - ersamen herren hern Perchtolden den Probst vnd dem Gotshous dotz nevnburch vnsers vreien aigens ein halbez phunt geltes winner munsze daz gelegen ist auf einem lechen ze Albrechtstorf daz gelegen ist zwischen Wolfgerstorf vnd pilichdorf ze chaufen haben gegeben vm sechs phunt phenning winner munsze, der wir gar vnd genczlich gewert vnd verrichtet sein - vnd won ich Ruedolf nicht aigens insigels hon, hat der ersam man fridreich von sigbach disen brief mit seinem insigel - versigelt mit seinem Insigel. Des sind gezeug wernhart der schifer, h. gerunch der chol. dvrinch von maurling, Jans von Nuzdorf, fridreich hutstoch, Chunrad Rudwin, Ditreich der schifer, Engeldich, Symon pelndorfer vnd peter von freising vnd diser prief ist gegeben - dreuzehn hundert iar darnach in dem sybnczehnten iar des nochsten svntages noch den ostern.

Source Fulltext: ZEIBIG, Klosterneuburg (=FRA II/10, Wien 1857) S. 157