Ich Weigant von Chriczendorf vnd ich Margret sein havsvrowe, wir veriehen - daz wir - geschafft haben alles vnser guet, daz wir haben In der Stat ze Newenbureh Chloster halben, vnd datz Chriczendorf vnd in dem Lande ze Oesterreiche - Des ersten so schaffen wir durch vnser paider sele willen hintz sant Merteyn ze Newenburch aynlefthalben Emmer Weyns perchrechtes, di da ligent an der Grobleiten zv einem Selgeraet, also, daz man ewichleichen alle Jar an vnser Vrowen tage In der Vasten Vnsern Jartage da von begen sol. Dar nach so schaffen wir vnsern zwayn TO^echtern Margreten vnd Katreyn vnser havs datz Newenbvrch, daz da leit in dem Gaezzlein pei der Tvenawe mit sampt dem pachhavs, daz dar zve gehoret, vnd mit allem dem varendem gvet vnd hausgervste, daz man nach vnser paider tot dar Inne vindet. vnd schaffen auch. In Drey weingarten - Dar nach so schaffen wir vnsern enichleyn, die fridreiches chint sint gewesen, vnsers Svns, dem Got genade, Weiganten des Slvezzler Aydem, vnd Margreten Jansen hausvrowen, vnd Elzbeten der Matsewaerinn zwen weingarten - Vnd so geben wir paide - vber daz selbe gescha\eft disen prief - versigelten mit vnserm Insigil vnd mit hern Weichartes Insigil von Toppel zv den zeiten Lantrichter In Oesterreich, vnd mit hern Gervnges Insigil hern Chvln Svn von Newenburch, vnd mit hern Symons Insigil von Pellendorf vnd mit hern Dietreiches Insigil des alten Chlebaer, zv den zeiten Mvnzmaister ze Wienne vnd mit hern Michels Insigil des Chlebaer vnd mit hern Dietreiches Insigil des Jvngen Chlebaer - Diser Prief ist geben - Drevzehen hundert Jar In dem Ayn vnd zwainzigisten Jar dar nach an dem Palm tage.

Source Fulltext: ZEIBIG, Klosterneuburg (=FRA II/10, Wien 1857) S. 179-180