Nos Haeinricus et Hugo, sancti Ypoliti et sancti Andree miseracione divina Prepositi ordinis sancti Augustini Patav. Dyoc. Magister Martinus Custos et Canonicus Cracoviensis Vniversis - salutein et sinceram in Domino Karitatem. Litteras Reverendi Patris, Domini Alberti, Patav. Episcopi sigiilatas, prout moris est, sigillo suo maiori recepimus in hec verba: Albertus Dei gracia Ecclesie Pataviensis Episcopus Venerabilibus in Christo fratribus Sancti Ypoliti et Sancti Andree Monasteriorum prepositis Ord. s. Aug. Can. Reg. salutem. - Cum nuper in Monasterio Nevnburgensi dicti ordinis essemus personaliter constituti, Venerabilem in Christo fratrem ejusdem loci Prepositum ex una, et fratres suos parte ex altera ad plenam super quibusdam dissensionibus suis concordiam nequaquam potuimus revocare propter vtriusque partis ligam seu conspiracionem, que adhuc, vt presummitur, inter ipsos non cessavit. Quare devocioni vestre in virtute sancte Obediencie districte precipiendo mandamus, quatinus assumptis vobiscum Magistro Hainrico de Wintertawer, Plebano in Rottenmanne et Magistro Martino Custode et Canonico Cracoviensi, vel aliis in locum illorum, si predicti fortassis legitime impediti hec exequi non possent, quibus, et eorum cuilibet id sub excommunicacionis pena mandamus, ad prefatum Monasterium Neunburgense Personaliter accedatis, inquirentes de premissis, et de statu tocius Monasterii in capite et in membris omnimodam veritatem, corrigentes Canonice et secundum tradiciones regule vice et auctoritate nostra, quecumque dingne (!) inveneritis corrigenda, laborantes summopere, vt ipsos ad plenam et perfectam concordiam reducatis, ad quam si aliter fortassis pervenire non possetis, damus vobis plenam auctoritatem et liberam omnes et singulos, quos pacis et vnionis Regularis hostes inveneritis, per Censuram Ecclesiasticam, vel etiam per emissionem, si necesse esset, vel aliam penitenciam Canonicam compescendi. Datum in Zaizzenmawer Nonn. Julii Anno Domini M. CCC° Vicesimo tercio. Voluntati igitur ac mandato ipsius Domini Episcopi prefati in hac parte devota promptitudine occurrentes, assumpto nobis iuxta formam mandati in locum Magistri Hainrici de Wintertawer Plebani in Rotenmanne venerabili patre domino Mauricio Abbate Monasterii Sancte Marie Scotorum in Wienna Ord. S. Benedicti dicte dyocesis predictum Monasterium Neunburgense, ibidem dicte visitacionis officium exercere volentes, duximus personaliter accedendum, ante omnia tamen honorabilem et religiosum virum, dominum Stephanum prepositum, et nonnullos ex Canonicis Monasterii jam predicti super diversis dissensionum materijs, que procurante satore malorum operum dampnabiliter irrepsere, ad bonum pacis et vnionis, ac prefatam concordiam toto nisu conantes, prout nobis erat possibile, revocare. Licet autem prepositus ipse tanquam devotus obediencie filius obedientem et paratum ad omnia se offerret, tamen fratres, Albero senior, Sifridus, Nicolaus, Balcheru splebanus sancti loci, Vlricus de s. Martino, Johannes de Tulna, Vlricus Huginne, Ortolfus, Magister Martinus, Chunradus de Wienna, Jacobus, Rudwinus, Martinus Sibenhos, Vlricus Hauspech, Hainricus de Patavia exclvsis omnibus aliis et singulis de Conventu, qui nobis decreverant humiliter obedire, idipsum in nostra constituti presencia legitime protestantes deliberare volentes se ad partem traxerunt, nobis quod non possent in manus nostras super suis dissensionibus compromittere finaliter responderunt, supplicantes attente, vt eis mandati nostri, prout statim fecimus, copiam traderemus, quo quidem mandato per eos transcripto quidam ex eis, Magister Martinus et Jacohus videlicet pro se ac suis complicibus supradictis exhibuerunt quandam cedulam nomine appellacionis, cuius tenor sequitur in hec verba: A vobis venerabilibus in Christo patribus missis ad visitacionem in nostro Monasterio faciendam a Domino Alberto, Pataviensis Ecclesie Episcopo, et a Domino Stephano preposito nostro et a Domino Perchtoldo Decano nostro et ab omnibus vestris collegis nos sencientes gravari, et gravatos esse, hucusque multis gravaminibus, que gravamina suo tempore possumus et volumus probare legitimis documentis ab eisdem gravaminibus illatis et comminatis et imposterum inferendis ad sedem apostolicam appellamus in his scriptis, - - Protestantes tamen, quod facta Cena nobis quanda appellacionem aliam, cui adherere decreverant, assignarent - sub tenore et continencia infra scriptis, Coram vobis Venerabilibus in Christo patribus, videlicet Mauricio, Abbate Ecclesie Sancte Marie Scotorum in Wienna - et Magistro Martino Visico Canonico Olomucensis Ecclesie - Ceterisque Collegis nos Albero Senior - Johannes Custos dominorum et dominarum presentibuprofitemur - - quod (Stephanus Prepositus) convocato Capitulo brachio Seculari raptivavit dominum Decanum cum aliis tribus Canonicis post appellacionem ad Dyocesanum nostrum factam - Item quod prepositus noster est transgressor articulorum ab Episcopo nostro in suo instrumento conscriptorum, ex quibus articulis poterat ipso iure, sicut de facto excessit, privari prepositura omni contradictione procul mota, et quia appellacio est oppressorum sublevamen, et ad presenciam Domini Episcopi ad presens accedere non valemus - a Domino nostro Stephano Preposito et a Domino Berchtoldo Decano premissis gravaminibus nobis illatis et comminatis, et in posterum inferendis in hijs scriptis ad sedem apostolicam appellamus - - Interposita est hec appellacio Anno Domini M° CCC° vicesimo tercio, in divisione Apostolorum in Refectorio - Qua quidem appellacione coram nobis perlecta - Vlricus de sancto Martino, Jacobus, Magister Martinus, Sifridus eodem die, Balcherus autem, Johannes de Tulna, Chunradus de Wienna, Rudwinus, Martinus Sibenhos diebus sequentibus fugitivi ab Ecclesia recesserunt, nonnullis aliis, Alberone, Nicolao, Vlrico Huginne, Ortolfo, Vlrico de Hauspach, Hainrico de Patavia complicibus eorundem in Monasterio derelictis - qui in dormitorio, Refectorio, Ecclesia ac aliis locis honestis quesiti, nec non in scriptis - - ad nostram presenciam - coram nobis comparere contumaciter contempserunt. Statuimus igitur, definimus ac eciam ordinamus, vt omnes et singuli inobedientes predicti, qui in Ecclesia remanserunt et fugitivi - Quos eciam eorum pendente inobediencia a fructibus Oblagie, quos de scitu prepositi ac Decani medio tempore sequestrari mandamus., exclusos esse volumus per presentes. Per hoc autem ceteris, videlicet Decano, Philippo rectori Ecclesie Sancti Martini, Gerwordo, Helmbico, Hermanno Tursoni, Alberoni de Weizzenberch, Bernhardo de Sierndorf, Johanni Golini, quos in omnibus et per omnia obedientes invenimus, in aliquo non intendimus derogare, quin ipsi et eorum quilibet de fructibus oblagie porcionibus gaudeant conswetis. - - Volumus ecia, vt vna de ianuis Dormitorii, videlicet per quam de antiquo ad novum transitur dormitorium - obstruatur. Ceterum volumus infra scriptas Officinas, videlicet Ecclesiam sancti Loci, custodiam, officium Refectorii, Custodiam Dominarum, Oblagiam giam personis discretis hac vice, prout deliberatum extitit, assignari, salvo tamen iure prefati prepositi de iam dictis officinis, et de alijs, sicut de iure vel antiqua consuetudine sibi competit, disponendi. Vt autem hec singula et omnia memorie commendentur, - Nos - Sigilla nostra duximus presentibus appendenda. Actum et Datum in Nevnburga Anno Domini Millesimo Trecentesimo Vicesimo Tercio Quintodecimo Kal. Augusti.

Source Fulltext: ZEIBIG, Klosterneuburg (=FRA II/10, Wien 1857) S. 189-192