Ich Hainreich der Sibenhirter von Reichesdorf, vnd ich Jeute sein havsfrawe, vnd Ich Gervnch von Sibenhierten, Vnd ich Kathrej sein Hausfrowe Wir vergechen - daz wir - geben haben durch Got vnser frawen Goteshaus ze Neunburch - vnsers rechten freien aigens anderthalben Lehen, di da ligent dacz Renesdorf zwischen der heiligen Chreuzer vnd der Mawerperger guet, vnd dienet alle iar zwae vnd sibenczich phenning Wienner mu^enzze an sant Gorgen tag hincz dem vorgenanten vnser frowen Gotshaus ze Neunburch - Vnd pinten vns auch des mit vnsern treuen, ob furbaz dchain gepot von fu^ersten, oder von den Lantherren aufgesaezt wurde, da daz Goteshaus schaden mO^echt von genemen an dem vorgenanten guete, daz wir in daz auzpringen sullen an allen iren schaden, vnd an allen irresal mit vnser selber arbait vnd choste. - - Dar vber so geben wir diseoffen prief - versigelten mit vnser paider Insigel. Vnd mit den erbaern gezeugen: her Marchart der Mistelbech, her hainreich der Schaffer, her Gervnch von Neunburch, hainreich von Sibenhierten, Vlreich Maierhofer, Gerunch Vizzlinger, Durinch von Mewerling, Jans von Nuzdorf, Jans von der heiligen stat vnd ander erber Leute genuech geben - dreuczehen hunde Jar darnach in dem dreu vnd zwainczigisten Jar an sant Philippestag des heiligen zwelfpoten.

Source Fulltext: ZEIBIG, Klosterneuburg (=FRA II/10, Wien 1857) S. 188-189