Wir Stephan von gots gnaden Probst ze Newnburch wir veriehen - daz wir dem erbern herren Maister Fridreichen von dem Chotweig Chorherr ze Pazzaw gechauft haben einen weingarten vmb sein aygenhaftes guet von dem erbern Ritter, herrn Albrechten von Praunstorf vmb hundert March vnd vmb Sybenzehen march lO^etiges silbers ie czwen vnd sibenczig grozz pehemischer phenning vuer ain Marchk, vnd derselb weingart der leit an dem Purchstal vnd haizzet der Lengenvelder, vnd ist Drithalbs Jeuch, vnd da man alle Jar von dient dem Gotshaus ze Newnburch fvnf emmer perchrechtes vnd alle den zehent der von dem vorgenanten weingarten chumpt, vnd ist gelegen ze nechst dem Hiernprecht, vnd zenechst Elblein dem Tuechberaiter - - Der prief ist geben - Drevzehenhundert Jar, darnach in dem vier vnd zwainczigisten Jar an sand Johannes tag zu den weinachten.

Source Fulltext: ZEIBIG, Klosterneuburg (=FRA II/10, Wien 1857) S. 211