Ich Weichart von Pavmgarten, vnd Ich Hainreich vnd Ich Fridreich sein paid svn, wir veriehen - Daz wir - vnsers rechten aygens, Daz vnser getailtes guet gewesen ist, mit fu^erzicht verchauft haben ein lehen dacz Ottental ze veld vnd ze dorff, da Symon des Payers nef auf gesezzen waz Heinreichen dem Ladendorfer vnd vrown Gerdrauten, seiner hausvrown, vnd allen irn erben, vnd vrown Wendelmueten, des PO^eschen witiben und allen irn erben, vnd Vlreichem, dem Stevczer, vnd vrown Chvnigunden seiner hausvrown vnd allen irn erben vmb Syben vnd viertzich phunt wienner phenning - vnd des selben lehens hat Hainreich der Ladendorffer der vorgenant zu seiner besvnder gechauft vnd uergolten den hof da daz selbe lehen in gehO^ert, vnd auch Sechzehen Jeuch des selben lehens ze veld, vnd di andern Sechzehen Jeuch des selben lehens ze veld habent gechauft vnd vergolten vrown Wendelmuet, vnd Vlreich der Steuzer di genanten ir iegleiches acht Jeuch zu seiner besunder, vnd auf dem vorgenanten guet di aygenschaft hab wir gegeben durch vnser vnd aller vnser vodern sel willen auf vnser vrowen alter hincz Newnburch chlosterhalben, Also beschaidenleichen, Daz Hainreich der Ladendorfer vnd vrow Wendelmuet, vnd Vlreich der Stevzer di egenanten, oder ir hausvrown, oder ir Erben, oder wer daz guet inne hat, Soll dienen alle Jar von iegleicher Jeuch des oftgenanten lehens ain phenning, daz sind zwen vnd Dreizzich phenning, vnd von dem hof vier phenning besunderleich auf den vorgeschriben alter hincz. Newnburch alle Jar an sand Georgen tag fu^er zins vnd alle stewer. Vnd darvber secz wir vns - ze rechtem scherm - fu^er vrown||
Gedrauten di Meczelpekchin, die mein weichardes Tochter ist, vnd mein hainreichs vnd Fridreichs Swester ist - Der prief ist gegeben - Dreutzehen hundert Jar, Dar nach in dem fvmf vnd zwainczigisten Jar an Sand Stephans tag.

Source Fulltext: ZEIBIG, Klosterneuburg (=FRA II/10, Wien 1857) S. 217-218