Ich Leupolt von Eslarn, Purger ze Wienn vnd Ich Elzbet, sein hausvrow wir vergehen - Daz dev Erber Herre Probst Stephan vnd her Perchtolt der Techent vnd der gemain dez Conventes vnser vrawn Gotshaus ze Newnburch - lazzen habent vns vnd vnsern Erben ainen irr weingarten, dez vierdhalbs Jeuch ist vnd haizzet der Piberstain mit sampt dem haus, daz dar vnder leit, vnd gehorent in ir Chelnampt, von sant Mertens tag, der schirest chumt vber Nevn iar ze pawen vmb halben wein, der in demselben weingarten wirt. Wir suln auch vnd vnser Erben den Weingarten Nevn Jar alle Jar in dem Lesen allen den wein uessen baide vnsern wein vnd auch den irn, der in dem egenanten weingarten wirt, wie iz beiaret, oder wie der wein geret, so suln wir in fur irn Tail geben immer fu^er zwen vnd dreizzich Emmer fvmf March silbers, ie zwen vnd sibenczich grozze Pehemischer phenning fur ein iegleich March, darnach zu den weinachten an alle widerrede. Tetten wir dez nicht, so suln si daz selb guet zehant nach dem selben tage auf vnsern schaden nemen ze Juden oder ze Christen. Wir suln auch in ee chunt tu^en, wann wir den vorgenanten weingarten lesen wellen, So suln si irn poten haben bey dem lesen vnd auch bey der Presse, Also daz der selb wein gevessent werde ze Gegenwurt vnd mit gewissen irr poten, die si dar zu schaffent, Vnd suln auch wir den vorgenanten weingarten dev vorgenanten Newn Jar in gu^etem zeitlichem pawe haben. Tette wir dez nicht, Also daz sein vier erber manne Jchen so suln wir in vervallen sein, vnd allez dez Rechten entwert sein, daz wir haben solden an den vorgenanten weingarten. Vnd dar vber - geben wir in disen brief versigelt mit vnserm Insigel vnd sint auch des geczeuge: her Jans von Sirndorf, her Christan der Sluzzler, her Herman der Schiver, Jacob der Cha\elner, Peter der freisinger, - Der brief ist geben ze Newnburch - dreuczehen hundert iar, dar nach in dem Sechs vnd zwainzgistem Jar an dem na\echsten Mitichen vor dem Svmwent tage.

Source Fulltext: ZEIBIG, Klosterneuburg (=FRA II/10, Wien 1857) S. 221-222