Ich Maechthilt, hern Friedreichs Tochter von Riczendorf, dem got genade, vergich - Daz ich - Mich liebleich und guetleich verebent vnd verricht han mit den erbern herren, Brobst Stephan dez Gotshaus vnser vrowen ze Newnburch Chlosterhalben vnd mit dem Convent gemain dezselben Chlosters vmb allen den Chrieg, vnd vmb alle die ansprach, die ich gegen In und gegen dem vorgenanten irm Gotshaus gehabt han vmb einen hof der da leit ze Albeltawe - also daz si mir fu^er den selben chrieg vnd fu^er alle die ansprach - Gegeben habent vier und zwainczich phunt wienner phenninge - Vnd dar vber - So seczen wir vns, ich vorgenantev Maechthilt, hern Friedreichs tochter von Riczendorf, vnd ich Wilhalm der Scherant - ze rechtem gewer vnd scherm - vnd wand dev selbe vrowe Maechthilt selber nicht aigens insigels hat, Dar vmb so han ich wilhalm der Scherant fu^er mich vnd fu^er si in geben disen prief - versigelt mit meinem Insigil. Diser prief ist geben - Dreuzehen hundert iar in dem zvvay vnd dreizzigisten iar dar nach an sant Thomas tag.

Source Fulltext: ZEIBIG, Klosterneuburg (=FRA II/10, Wien 1857) S. 246