Ich Hainreich von Paumgarten vnd ich Margret, sein Hausvrowe, vnd ich Fridreich von Paumgarten vnd ich Tůt sein Hausvrowe vnd alle vnser erben, Wir vergechen - Daz ein Chriege gewesen ist zwischen vns an einen Tail, vnd zwischen dem Erbern Herren Probst Stephan dez Gotshaus vnser vrowen ze Newenburch Chlosterhalben vnd dem Convent gemain dez selben Gotshaus an dem andern Tail. Also, daz wir iahen, wir hieten ein Erb Vogtay ze Schirnestorf auf dez vorgenanten Gotzhaus gu^et, daz im angevallen||
ist von vnsern vodern, der brief vnd Insigil Si dar vber habent. Vnd iahen auch, wir hieten auf dem selben Gu^et Dorfgericht vnd Imbiz phenninge vnd Hu^ener dienstes ze Hochzeiten vnd Mu^elwâegen. Her en gegen iach der egenant Herre Probst Stephan vnd der Convent gemain ze Newenburch, Sev veriachen niemen chainer Erib Vogtay auf allem irm gu^et, danne dem Landesfu^ersten Hertzog Albrechten in O^esterreich, noch hieten auch chain recht zu^e den andern Sachen, die vorgeschriben sint. Der chriege gewuchs alz verre, daz er chom fu^er den Hochgeborn Fu^ersten, Hertzog Albrechten in O^esterreich, vnd fu^er die erbern Lantherren, die Sprachen nach ir beschaidenhait, wir solten Sagen vnd offen, waz wir geltes hieten und veriachen auf dem vorgenannten gůt iâerleichen, vnd auf der vogtay, daz offent wir mit SO^elchen worten, alz vor verschriben ist. Vber daz alles iahen wir, ez hiet vnser vater Weichart, dem got gnade, vnd auch wir ab dem vorgenanten gu^et ze Schirnestorf ze vnrecht genomen eine Mutte Waitz vnd einen Pachen mer denne dreizzich iar. Nach der fu^er lege bedacht sich der Hochgeborn Fu^erst, Herczoge Albrecht nach der pesten Lant Herren Rat in O^esterreich, vnd Sprach, wir Solten vns des chriegs vnd der Sache vnbetwungenleichen an in seczen. Daz teten wir baidenthalben mit guten Willen - - (des Herzogs Entscheid folgt in der nächsten Urkunde) - versigelt mit vnser baider Insigiln. Vnd Sind auch dez gezeuge die erbern Herren, Graf Albrecht von Hals, Graf Chunrat von Schawenberch , her Alber von Chu^enringen, her Reimprecht von Eberstorf, Obrister Chamrer in O^esterreich, her Vlreich von Pergawe, her Reimprecht von Walse - Diser prief ist geben ze Wienne - Dreutzehen hundert iar, darnach in dem vier vnd Dreizigisten iar, darnach dez nachsten Suntages vor Mitter Vasten.

Source Fulltext: ZEIBIG, Klosterneuburg (=FRA II/10, Wien 1857) S. 247-248