Ich Peter von Rietental vnd ich Katrey sein Hausvraw vnd ich Chunrat der Hatmarstorfer wir veriehen -daz wir dem erbern vnser vrown Gotzhauss ze neuwnburch in daz Chellnampt dien suln alle iar an sand Michels tag setzehen phenning wienner muniz von vnsern vier lehen, deu do ligen ze leizz, wer aber, daz wir den dienst nicht geben vnd versezzen, mit welcherlay versaumung daz geschech, So svl wer zu den zeiten des vorgenanten Gotzhaus oberrister chelner ist, den dienst an dem andern tag nemen mit zwispild als purchrechtz dienstz recht ist in dem lant ze Osterrich , vnd svl sv lang dor auf vregen daz daz gu^et nicht teurr ist vnd svl dienst vnd schadn von dem bechvmen vnd gewinen von den egenanten vier lehen von iuden oder von Christen mit vnserm gueten willen, wir sein lemtig oder tot, vnd geben in dar vber disen prief- versigilten mit mein vorgenanten Petreins Insigil, wan Chunrat der hatmarstorfer nicht aigens insigels hat. Der prief isÍ geben - dreutzehen hvndert iar, dar nach in dem fumf vnd dreizikistem iar Des svntages vor phinsten.

Source Fulltext: ZEIBIG, Klosterneuburg (=FRA II/10, Wien 1857) S. 255-256