Ich Dietrich der zwichel vnd ich Katrey sein hausfrow, Wi\er vergehen - daz wir vnverschaidenleich gelten schuln in die Oblay der erbern herren ze Closter vnd hern Leo dem Oblaymaister zehen phvnt phenning winner mvnzz\e, do von wi\er alle iar in die selben Oblay dinen sullen sechczig phenning an dem Vaschang tag vnd sechs schilling an sand georigen tag, der da nach schierist chůmt. Tun wir des nicht, so stet der vorgenant Di\eenst nach dem vorgenanten Tagen an dem andern tag darnach mit zwispilde an allem dem recht, als anders Purchrechtes Dinstzrecht ist in dem Lande ze O^esterreich. Vnd haben wi\er do fu^er ze phant gesaczet vnsern weingarten mit vnsers perchmaisters hant Pilgreims des Flozzer, des zwai dritail sint eins Vi\ertail, vnd ligen in der Odengru^eb ze nachst des Gundolden Weingarten auf dem perig - Des geben wir der vorgenanten Oblay vnd dem Oblaymaister ze den zeiten hern Leo dem Chorherren Disen brief- versigelten mit vnsers perchmaisters Insigel des egenanten Pilgreims des floeczer - Des ist auch geczeug her Nyclo der manseber vnd ander Erber leut genu^ech. - Der brief ist geben - dreuczehen hundert iar in dem drev vnd vi\erczigisten Jar der Liechtmesse.

Source Fulltext: ZEIBIG, Klosterneuburg (=FRA II/10, Wien 1857) S. 297-298