Ich Wolfger an dem Neusidel vnd Ich Alhait sein Hausvrow veriechen - Daz wir - mit vnsers Perchmaisters hant, hern Ortolfes des Sluzzler vnd redleich mit fuerzich verchauft haben vnsern Weingarten, des ein halbs Jeuch ist, Leit in dem Gereut - vnserm aydem Dietreichen dem Phistermaister vnd seiner hausvrown Katrein - vmb Sechs vnd Dreizzich phunt Wienner phenning - Nu haben auch wir, Ich Dietreich der Phistermaister vnd ich Katrey sein Hausvrow vnsern vorgenanten Weingarten reht vnd redleich geschaft vnd gegeben nach vnser paider tod vnserm sun Jansen, dem Chorherren in dem Chloster, den er nach vnser paider tod Inne haben schol in nucz vnd in gewer ze Pezzerung seiner Phrunt ||
vnverchumerten. Vnd nach seinem tod sol er Ewichlich peleiben pei dem Gotshaus - Vnd geben in dor vber - disen prief versigelten mit vnsers vorgenanten Perchmaisters Insigel hern Ortolfes des Sluzzler, vnd mit hern Stephans Insigel des Slu^ezzler - Des sint auch zeuch: Paul an dem Ekk, Leupolt der Hummel vnd ander erber Leut genuech. Der prief ist geben - Dreuzehenhundert Jar in dem drev vnd vierzigisten iar in der Mitter vasten.

Source Fulltext: ZEIBIG, Klosterneuburg (=FRA II/10, Wien 1857) S. 298-299