Ich Johanns der Jung vergihe - daz mir die erbern beschaiden Levt, N. der Richter vnd der Rat ze Nevnburch Chlosterhalben geben habent zwainzig gulden an dem zwain hundert gulden,, de si mir verhaizzen habent vmb die brief, di ich in von N. den pabst bringen sol vber die Chapellen, di si stiften wellent in dem Spital daselbs, als si dar vmb mit mir V\eberain chomen sint, also beschaidenleichen, ob ich in dieselben brief, di dar v\eber gut genug sind, nicht ausgebracht, als ich in verhaizzen han, so sind si mir derselbe hundert vnd achtzig gulden nicht gebunden zu geben, vnd sol ich in di Vorgenanten zwainzig Gulden Widergeben mit Vrchunt ditz briefes, der geben ist ze Nevnburch Chlosterhalben Nach Christes geburd Tausend iar Dreihundert jar darnach in dem drev vnd vierzigisten jar an San Anthonii tag.

Source Fulltext: ZEIBIG, Klosterneuburg (=FRA II/10, Wien 1857) S. 292