Wir Bruder Hainreich Graf von Schawenberch, zv den zeiten Obrister maister Sand Johanns Orden ze Meurperge vnd der Convent gemeine dez selben Ordens daselbens Veriehen - Daz wir - verchauft haben vnsers rechten Chauf aigens Sechtzich Emmer weins geltes Perchrechtes vnd ein halb phunt Wienner phenninge geltes, daz dar zu gehO^eret vnd daz alles gelegen ist auf zwaintzich Jeuch Weingarten ze Newenburch Chlosterhalben. Des ersten in der Weydnich an dem Waehinger vnd an der ziegelgru^eb vier Jeuch, vnd an dem weinhaus drithalb Jeuch‚ vnd an der Eren vierdhalb Jeuch vnd zway achtail, vnd in dem hentleinsgraben vierdhalb Jeuch vnd an dem Geswendt vnd an dem Satelsteyge drev Jeuch vnd drev achtail vnd auf dem hymel vnd an dem obern Aychwege drithalb Jeuch vnd drev achtail - Vmb hundert phunt Wienner phenninge - Dem Erbern manne Ortolfen mit der Petziehen, purger ze Wienne vnd seiner Hausvrowen, vron Dy\emu^eten vnd im Erben - Dar vmb so geben wir in disen brief - versigelten mit vnsern Insigiln. Diser prief ist geben ze Meurperige - Dreuzehenhundert iar‚ darnach in dem Vier vnd Viertzgisten iar dez na\echsten Samztages vor Sand Michels tage.

Source Fulltext: ZEIBIG, Klosterneuburg (=FRA II/10, Wien 1857) S. 305