Ich Weychart von Topel, Hofrichter in O^esterreich Tuen chunt - Daz Vlreich der Redeprunner vor mir in rechtem Hoftaiding chlagt hinez dem erbern hern herren Brobst Ru^edwein ze Newnburch vmb einen hof, des ein ganc/es lehen ist ze Stoyzendorf, vnd swas darzu gehoret, als verre. Daz der. egenant Brobst Ru^edwein auf ein antwurt cham mit vorsprechen, vnd waigert auf den Brobst von Walthousen, den wolt er stellen fur sich ze einen gewern auf daz na\echst Hoftayding, vnd darnach auf daz selb Hoftayding chom der egenant Brobst von Newnburch nicht, noch der vorgenant Brobst von Walthousen, daz si den egenanten hof verantwurt hieten, als si ze recht hieten, vnd als si sich verpunden hieten vnd vermezzen. Do chom der egenant Vlreich der Redeprunner, vnd pat mit vorsprechen vragen, wns recht wer, do ward im von den lantherren ertailt mit vrag vnd mit vrtail, vnd auch vervolget. Seid dem egenanten Brobst Rudwein an seinem gewern wer ab gegangen, vnd den nicht gestalt hiet, als er sich vermezzen het, Ich solt den den egenanten Vlreich den Redeprunner dez egenanten hofes vnd swas darzu gehoret an die gewer seczen vnd gewaltich machen furbaz allen seinen frum da mit schaffen als mit anderm seinen gu^et, vnd sol in dar an schirmen mein herre, der Herczog nach dez landes recht in O^esterreich. Daz han ich getan mit vrchund dicz priefes, Der ist geben ze Wienn - Dreuczehen hundert Jar vnd in dem vier vnd vierczigisten Jar des eritags an sand Matheus tage.

Source Fulltext: ZEIBIG, Klosterneuburg (=FRA II/10, Wien 1857) S. 304