Ich Michel der Chegler von Nuzdorf vnd ich Elspet sein Hausvrowe wir veriehen - daz Jans Ortolfs Svn des Pagnaer - geschaft hat - sechczich phenning zu einem ewigen selgeraet - auf vnsern weingarten, der halber sein gewesen ist - Diselben sechczich pfennig - haben wir - mit vnsers perchherren hant Hainreichs Metaer des Pagnar ze den zeiten Amptman der erbern geistlichen vrowen von Tuln - gemacht zu einem ewigen dienst auf vnserm weingarten des ain drittail ist, leit an der Lasterleiten - Vnd schol auch man das selgeraet begen des nechsten Svnntags nach aller heiligen tag mit nevn phennig Drei Messe fru^emen, vnd die ayn vnd fumfczich phenning schol man armen leuten tailen, als verre si geraichen mugen. - Vnd geben daruber disen brief - versigelten mit vnsers vorgenanten Perchherren Insigel Hainreichs Metaer des Pagner - Diser brief ist geben - drevzehen hundert iar dar nach in dem Siben vnd Viertzigisten Jar an dem Prehen tag.

Source Fulltext: ZEIBIG, Klosterneuburg (=FRA II/10, Wien 1857) S. 316