Ich Ortolf zu den zeiten dez edeln vnd des hochgepvrn fursten, Herczog Albrechs Sluzzler ze Newnburch vnd Ich Reicze, sein hausvrowe wir veriehen - Daz wier - verchauft haben funf phunt wienner phenning gelts Purchrechts auf vnserm haus, daz da leit ze Newnburch in dem Grazhof ze naechst der schO^enn Chappellen, vnd dez wier auch Stifter vnd stO^erer sein an dez herczogen stat, Da von man alle iar dient ain halbs phunt wienner phenning ze Gruntrecht - die haben wir in ze chauffen geben vmb fumf vnd Dreizzich phunt phenning wiener Mu^enzz - den Phruentnern in sant Merteinsspital vor widemer Tor ze Wien - so beschaidenleichen, daz wier in daz vorgenant Purchrecht furbaz alle iar davon dienen suln zu drein zeiten in dem Jar, an sant Jorgen tag, an sant Michels tag vnd ze weynachten, zu ainer iegleichen zeit zehen vnd dreizehen schilling wienner phenning - Wir haben auch dez selben Purchrechts volle gewalt vnd recht von in wider ab ze chauffen inner den naechsten vier iaren, Swanne daz ist, daz wir in geben funf vnd Dreizzich phunt phenning mit einander zu welcher zeit daz ist in dem iar, vnd den naechsten dienst da mit, so ist vnser haus desselben Purchrechtes ledig. Is aber daz wier ez nicht abchauffen inner den naechsten vier iaren ‚ so ist ez furbaz darauf ewiges Purchrecht vnd die muge wier dennoch abchaufen mit ander Ewiger gu^elt, die als gut ist, als die. - Vnd geben in dar vber disen prief - versigelt mit vnserm Insigel, vnd mit dez erbern mannes insigel hern Hainreichs des Neideker vnd mit dez erbern mannes Insigil, hern Vlreichs dez venden. - Diser prief ist geben ze Wienn - Dreutzehen hundert iar, dor nach in dem Syben vnd vierczigistem Jar an sand Gregorigen tag in der vasten.

Source Fulltext: ZEIBIG, Klosterneuburg (=FRA II/10, Wien 1857) S. 317