Ich Jacob, des alten Slu^ezzler sun, ze den zeiten Stat richter vergich - Daz fu^er mich chom in offner schrann ‚ da ich an dem rechten saz, der Erber man Ortolf der Tucz, slu^ezzler ze den zeiten vnd chlagt mit vorsprechen hincz Leupolten vnd hincz seiner Swester Agnesen, Ortolfs des Slu^ezzler chinden, dem got genad, vmb achthalb phunt wienner phenning, dev im ir vater gelten solt, vnd chlagt daz alz lang vnd alz verr, daz die chint fu^er recht chomen vnd stu^enden im des selben gelts an langen, do ward gevrogt, waz recht waer, da geviel mit vrog vnd mit vrtail, seyd die chint im des geltes an langen stunden, vnd doch auch wol ze irn iarn chomen wern, vnd seid der gelter naechster erib wer, wo der egenant Ortolf der Tucz auf der chint ledigen phant zaygen vnd chomen mO^echt furbaz, da solt er von gewert werden seines egenanten geltes, vnd daz der egenant Ortolf der Tucz daz egenant gelt vor mir den vorgenanten chinden mit nO^ettayding vnd mit rechtem recht in der schrann an behabt hab, Des gib ich im disen behabbrief - versigelten mit meinem Insigel vnd mit der erbern zwair mann Insigel Hainreichs des du^erren vnd Georigen des Ledrer, die der taydinge geding gewesen sint vnd auch paid dez rates di selben zeit gewesen sint. Der prief ist geben - Dreuzehen hundert iar, dar nach in dem||
drev vnd fumfczigisten Jar ze Mitter vasten.

Source Fulltext: ZEIBIG, Klosterneuburg (=FRA II/10, Wien 1857) S. 343-344