Ich Agnes, Virgilij Wittibe des Praunstorffer, dem Got genade Vergich - Daz ich - mit meines Lehen Herren Hant, des erbern gaestleichen Herren Probst Ortolfs, des Gotshaus vnser vrowen ze Newenburch verchauft han meins rechten Lehens, daz ich von im vnd seinem Gotshaus ze Newenburch ze Lehen gehabt han Ayndlef Emmer Weins geltes Perchrechtes, vnd darzu^e auf ieglichen Emmer ain Wienner phenninge Vogtrechts, vnd drey Emmer Weins geltes V\eberzins vm Sechs vnd zwaintzig phunt wienner phenning - Dem erbern gaestleichen Herren hern Pylgreimen, den Wu^erffel zu den zeiten Chorherre vnd Obrister Chelner des Gotshaus ze Newenburch, der dieselben gu^et alle gechauft hat mit seines Prelats willen vnd gunst - Vnd darv\eber so gib ich - In disen brief - versigilt mit mein Insigiln, vnd mit meins Lehen Herren Insigil - Probst Ortolfs vnd mit Leupolts Insigil des Gundramstorffer, vnd mit Jansen Insigil, des Vreisinger, die diser Sache gezeuge sint mit irn Insigiln. Diser brief ist geben - Drevtzehen Hundert iar, darnach in dem Drev vnd fu^emftzgisten iar an sant Nichlas Tage.

Source Fulltext: ZEIBIG, Klosterneuburg (=FRA II/10, Wien 1857) S. 348-349