Ich Vlreich Sweyker, ze den zeiten Phystermaister des Gotshaus ze Neunburch vergich - daz iz dar zu^e chomen ist, da mein vor vorder Mert der Phistermaister, dem Got genad, recht vnd redleich durich seiner trevn willen verchavft vnd geben hat ain Vertail Weingarten gelegen an der Langengazzen ze nachst vasolten, da man von di\ent ze perchrecht ain halben Emmer Weins vnd ain helbling ze voytrecht - der in di physter gehO^ert hat ze dem svechen, vnd den selben weingarten hat er verchauft Vlreichen dem Springer, des Gotshaus Choch ze den zeiten, vnd Chvnigvnten, seiner Hausvrav\en vnd i\er paider eriben vmb zwelif phunt wienner phenning also, daz sev, oder wer denselben Weingarten nach in besiczet, von denselben egenanten zwelif phunten fu^erbaz alle iar davon dinen sullen ain phunt wi\enner phenning geltes purchrechtes an sand Stephanstag ze Weinachten in dev vorgenanten phister - vnd wand der obgenante chavf pei meinem vor vordern Merten nicht bestet ist, vnd doch mit gv\eter gewizzen an mich chomen ist, dar vmb so gib ich in disen brif, versigelten ze einem woren Vrchu^end dieser sache, versigelten mit mein Vlreichs sweykers insigel, vnd wand des vorgenanten Weingarten perchmaister Jacob Schaffer ze Spital nicht aygen insigel hat, darvmb so hat er gepeten hern Pilgreim den Wu^erphel, ze den zeiten Chorherr vnd Obrister Chelner des Gotshaws ze Newnburch, daz er diser sache an seiner stat gezeug sei mit seinem Insigel. Des sind auch gezeug mit i\ern insigeln die erbern zwen mann, herr Engelhart der Lybenczer, ze den zeiten Hofmaister, vnd Vlreich, ze den zeiten Weinchelner des Gotshaus ze Nevnburch - Der brief ist geben - drevzehen Hundert Jar, darnach in dem vir vnd fumfczigisten Jar nach dem Prechentag.

Source Fulltext: ZEIBIG, Klosterneuburg (=FRA II/10, Wien 1857) S. 349-350