Ich Olot von Recz vnd ich Christein, sein hausvrowe veriehen - Daz wir - nach rat meiner Christein nachster vnd pester vreunt, Gebharts von su^ennberch vnd Dyetreichs von Eczensdorf, meiner vetern‚ vnd Hainreichs des Hu^etstochs von Hadmarsdorf - recht vnd redleich verchauft vnd geben haben mit fu^erzicht vnsers rechten vreyn aygens ein hof gelegen ze Hadmarsdorf ze naechst Chunrats des Pinter vnd fumf Jeuchart akchers daselbs gelegen in dem Smalenlu^ezzen ze naechst dem Chrichen, daz alles von mein Christein vater vnd Můter her chO^emen ist, vnd ist auch mein rechts getailts guet mit fu^erzicht von meinem Pruder, Chunraten von Eczendorf - vmb Dreyzzich phunt wienner phenning - dem beschaiden mann Vlreichen dem scherffinch ze Hadmarsdorf vnd vrown Agnesen, seiner hausvrowen, dy dev selben aygenschaft von vns gechauft haben vnser vrown Gotshaus ze Newnburch, dem wir die selben aygenschaft auf gegeben haben fu^erbaz ze haben vreyleich vnd ledichleich an allen chriech - des geben wir dem Gotshaus vnser vrown ze Newnburch disen prief - versigelten ich Olot vnd ich Gebhart mit vnserm aygen Insigeln, auch sein wir, Ich Dyetreich von Eczensdorf vnd Ich Hainreich der Hutstoch der egeschriben red vnd wandlung gezeug mit vnsern Insigeln - Der prief ist geben - Dreuzehenhundert Jar dar nach in dem vier vnd fumfczigistem Jar an sand Merten abent.

Source Fulltext: ZEIBIG, Klosterneuburg (=FRA II/10, Wien 1857) S. 357