Ich Vlreich Veleys von Tribenswinchel vnd mein Erben veriehen - Daz wir vnverschaidenleich aller der sach, di do geschehen ist zwischen des Erbern herren herrn Nyclon zu den zeiten Oblaymaister vnser Vrawen Gotshaus ze Newnburch vnd vnser gegangen sein ganz vnd gar hinder den Erbern geistleichen Herren, den Brobst ze Newnburch also, daz ich vorgenanter Vlreich der Veleys vnd mein Erben hincz dem Vorgenanten hern Nicla fu^erbas nicht ze Vordern, noch ze sprechen haben weder vmb vil, noch vmb wenig mit Vrchund dits briefes versigelten mit der Erbern Herrn Insigeln, Herrn Jansen vnd Herrn Hainreichs von Pruenn, des ich sev gepeten han, wan ich vorgenanter Vlreich der Veleys nicht aygen insigel han. Der prief ist geben - dreuzehenhundert Jar, darnach in dem fumften vnd fumfzigisten Jar an san Blasy tag.

Source Fulltext: ZEIBIG, Klosterneuburg (=FRA II/10, Wien 1857) S. 358