Ich Stephan zu den zeiten Pharrer datz sant Veyt Vergich - Daz ich - mit willen vnd gvnst der vorgenanten meiner Chirichen Lehen, herren, der Erbern Herren, herrn Weichar s von Toppel, zu^e den zeiten Hofrichter in O^esterreich, hern Fridreich von Toppel, seins Pru^eder, hern Stephans von Toppel, irs Vetern, vnd hern Vlreichs vnd hern Weicharts von Toppel ir Vetern, hern V\olreichs Su^ene, dem Got genade - ze einem Widerwaechsel gegeben han Den Erbern Gaestleichen Herren Probst Ortolfen vnser Vrowen ze Newenburch vnd dem Convent gemain desselben Gotshaus - Drev phunt vnd Drey Schillinge vnd Dreitzehen phenninge wienner munzze geltes, die zu^e der egenanten Pharrchirichen gehO^ert habent, die rechts aygen sint, vnd die da ligent des ersten ze Enzestorf vnder dem Pu^esenperge vierzehen schillinge vnd Dreitzehen phenning geltes auf bestiftem gu^et behauster holden, vnd ze Nidern Rorbach ain phunt geltes auf bestiftem gu^et, vnd ze Stetten ein halb phunt vnd zwelif pheninge geltes auch auf bestiftem gut, vnd achtzehen phenninge Geltes da selbens auf vberlend. Die selben gu^elt alle han ich den egenanten erbern Gaestleichen herren dez Gotshaus vnser vrowen ze Newnburch gegeben - Da engegen si der vorgenanten Pharrchirichen sant Veyt auch ze einem widerwaechsel gegeben habent irs rechten aygens fumf phunt vnd Drey schilling vnd Syben vnd zwainczich pheninge wienner mu^enzze geltes gelegen des ersten ze Potenprunne auf vier Lehen vnd auf einer Mu^el, vnd auf alle dev, vnd dar zu^e gehO^ert vier phunt vnd drey schillinge phenning geltes, vnd Syben vnd zwainczich phenninge da selbens auf vberlent aekcher, vnd auf einer Mu^el ze anger bei Grafendorf ain phunt geltes - Vnd daz diser Widerwaechsel fu^erbaz also staet vnd vnzebrochen beleibe, Dar v\eber so geben wir in disen brief - versigilt mit vnserm Insigiln. Diser brief ist geben ze Wienne - Dreutzechen Hundert Jar, darnach in dem fu^emf vnd fu^emftzigisten iar, des naechsten Vreitages vor dem Palmtage.

Source Fulltext: ZEIBIG, Klosterneuburg (=FRA II/10, Wien 1857) S. 359-360