Ich Andre der Valichel vnd ich Katrey, sein Hausfraw\e Veriechen - daz wir - verchaufft haben vnsern Rachen Weingarten gelegen in dem Cytrersgraben ze nast Otten dem Prenninger - vm vi\erzechen phunt Wi\enner phening - dem beschaiden man Vlreichem dem Herranten - vnd denselben Weingarten he\at er gegeben vnd gemacht seiner Hausfrawn Elzpeten, Walchuns tochter ze rechter Morigengab nach des Landes recbt in O^esterreich - Vnd geben in dar vber disen Pri\ef versigelten mit vnsers vorgenanten Perchmaister insigel Hern Jansen des freisinger. Vnd wand wir selb nicht aigen insigel haben, Dar vm so haben wi\er gepeten den Erbern Mann Niclon Dem Tuczen ze den zeiten stat Richter, daz er diser sache vnd diser Wandlung gezeug sei mit seinem insigel an vnser stat. Der pri\ef ist geben - Drevzehen Hvndert Jar, Darnach in dem fv\emf vnd fvmfzigisten Jar, achttag nach Ostern.

Source Fulltext: ZEIBIG, Klosterneuburg (=FRA II/10, Wien 1857) S. 362