Ich Vlreich der Hoekkinger vnd ich Elzpet sein Hausvrow Wir vergehen - daz wir - verchauft haben vnser rechten Purchrechts, daz wir ze Purchrecht gehabt haben von dem Gotshows vnser Vrow\en ze Newnburch Chlosterhalben Newnzechen Schilling vnd Sechs phenning Wienner Mu^enzz gelts gelegen ze Hainreichstorf auf Sechs Lehen vnd auf alle dew, vnd darzu^e gehO^eret - vnd die auch ze den zeiten dient hainreich der Radendorffer von zway Lehen Sechs schilling vnd zwelif phenning, Chunrat der Fuchs von einem Lehen drey schilling, vnd Sechs phenning, Maizs die Philippin von einer Lehen drey schilling vnd Sechs phening, Ludweich‚ der Philippin Sun von einem Lehen drey Schilling vnd Sechs phening, vnd Nichlas der Seltenslach auch von einem Lehen drey schilling vnd Sechs phenning, vnd dient man auch dieselben gult alle mit einander an sant Michels tag - Vmb ains vnd dreizzich phunt Wienner phenning - dem Erbirdigen geystleichen herren Probst Ortolffen dez Vorgenanten Gotshaus vnser Vrown ze Neunburch vnd dem Convent gemain daselbs, vnd allen irn nachchomen, die auch die aygenschaft derselben Gu^elt von alter vorher angehort hat. - Darvmb so geben wir In disen brief - Versigelten mit Vnserm Insigil vnd mit meins Pru^eder Insigil, Hainreichs des Haekkinger, vnd mit vnser Swagers Insigils Ortolffs des Starayner - der brief ist geben - dreuzehenhundert iar, darnach in dem fumf vnd fumfzigisten iar an Vnsers herren Gotes Leychnams abent.

Source Fulltext: ZEIBIG, Klosterneuburg (=FRA II/10, Wien 1857) S. 363