Wir Albrecht von Gotes Gnaden Herczog ze O^esterreich ze Steyr vnd ze Kernden Tuen chunt, als dem Gotshaus von Newnburch vor vnserm getrewn Jansen von Tyerna, Munsmaister ze Wienn, do er an dem Rechtem in dem Perchtaydinge saz, ettleich weingarten fu^er Perchrecht vnd voytrecht, daz in dem vierden Jar versezzen was, ze reis gesagt sind, Daz wir wellen, daz ez da bey beleib, vnd sein auch dez egenanten Gotshaus scherm vber die vorgenanten Weingarten in aller weis‚ als dez egenanten Jansen von Tyerna prief sait, den er darumb gegeben hat, mit vrchund diez prief, geben ze Wienn am Mentag vor sand Marien Magdalen tag Nach Christes gepurtt Dreutzehen hundert Jar, darnach in dem Sechs vnd fumfczigistem Jar.

Source Fulltext: ZEIBIG, Klosterneuburg (=FRA II/10, Wien 1857) S. 372