Ich Vlreich von Rust, ze den zeiten Wein Chelner des Gotshaus vnser vrown ze Newnburch, vnd Ich Agnes sein hausvrow wir veriehen - vmb den hof, gelegen ze hadmarsdorf vnd haizzet der Wappelhof, vnd was dar zu^e gehO^ert -Den vns vnser Gnaediger herre, Brobst Ortolf vnd die Samnung gemain des Gotshaus vnser vrown ze Newnburch zu vnser paider leben ze leipgeding lazzen habent, verpint wir vns vnverschaidenleich mit vnsern trewen an aydes stat - hincz den egenanten vnsern herren, Brobst Ortolfen vnd der Samnung gemein, wenne daz ist, daz wir Vlreich von Rust vnd mein hausvrow Agnes paydev mit dem leben abgen, ze welcher zeit daz im iar ist, so ist den egenanten herren vnd dem Gotshaus der hof von vns wider ledich, Also ob daz waer, daz wir vor dem arn sturben, So mu^egen vnser naechst vreunt dy peed nucz wintersat vnd Svmersat vessen in allen den rechten, als wir selb, ob wir lebten, vnd schullen denne die wintersat wider an saen, und schullen denne in dem hof lazzen viech vnd getraid, daz wol czwainczig phunt wienner phenning wert sey, oder da fu^er czwainczig phunt phenning, wer aber daz mich Vlreichen mein hausvrow Agnes vber lebt, vnd einen andern Chon wiert neme, So schol dem Gotshaus der hof aber ledig sein in allen den rechten, vnd vor geschriben stet - Des geben wir in disen prief - versigelten mit mein Vlreichs Insigel von Rust, vnd mit meines prueder Insigel Nyclas von Rust, Des ist auch gezeug mit seinem Insigel mein swager Jans der Vreysinger - Der prief ist gegeben - Dreuczenhundert Jar‚ darnach in dem Syben vnd fumfczigisten iar an sand Vrbans tag.

Source Fulltext: ZEIBIG, Klosterneuburg (=FRA II/10, Wien 1857) S. 376