Ich Janns der Sessnagel von Chaltenprunn vnd ich Chunigunt, sein hausvrow wir veriehen - Daz wir - verchauft haben - vierdhalben schilling wienner phenning gelts, die da ligent ze Enczestorf pei dem Pu^esenperg auf bestiftem gut und auf behausten holden in der Chirichgazzen, der da ligent fvmf vnd Dreizzich phenning auf Wolfharts dez Vischer haus, vnd Dreizzich phenning gelt auf Chunrats dez Schacz haus, vnd Dreizzich phenning gelts auf Stephans dez Piber haus, vnd sind die egenanten vierdhalb schilling gelts mein egenanter Chunigunden aygens anerstorbens gut von meinem Enen, dem alten Riczendorfer, dem got genade, daz ich darnach gemacht vnd geben han ze Morgengab meinem wirt dem vorgenanten Jansen dem Sessnagel - vmb fvmf phunt wienner phenning - dem Erbern manne Peter dem Roten vnd seiner hausvrowen, vrown Agnesen - Dez geben wir in disen brief versigilt Ich Jans der Sessnagel mit meinen aigen Insigel vnd mit vnsers vettern Insigel,Sigharts dez sessnagel vnd mit dez erbern manns Insigel Jacobs zu den zeiten statrichter vnd Judenrichter ze Newnburch. Der brief ist geben - Dreuczehen hundert Jar dar nach in dem ains vnd sechczigisten Jar dez naechsten sampcztags nach dem heiligen Osterleichem tag.

Source Fulltext: ZEIBIG, Klosterneuburg (=FRA II/10, Wien 1857) S. 399-401