Ich Prueder Steffan, abpt ze Lilyenvelt vnd der Convent gemain dezselben Chloster vnser vrowen veriehen - Daz wier - mit des Erbern Chorherren hant herrn Maricharts ze den zeiten siechmaister dez Chlosters vnser vrowen ze newnburch mit rechter fu^erzicht verchauft haben vnsern Weingarten, dez ain Ganzes Jeuch ist, vnd haist der Sacz leit auf dem auervelt - Wier haben auch verchauft mit des egenanten Chorherren hant - vnsern Weingarten und Pavmgarten, dez ain halbes Jeuch ist, vnd leit auch ze Neunburch auf dem awervelt - vmb ains vnd achczig phunt, alles Wienner phenninge - Dem Erbern mann Steffan dem Lyligenvelder, purger ze neunburch Chlosterhalben vnd seiner Hausfrowen Elspeten. Daruber - geben wir in disen brief versigilt mit vnserm insigil, vnd mit vnsers Convents anhangunden Insigil, vnd mit der egenanten weingarten vnd Pav\omgarten Gruntherren insigil, dez Erbern Chorherren hern Maricharts, ze den zeiten siechmaister dez Chlosters ze neůnbůreh. - Der brief ist geben - Dreuzehen hundert Jar, darnach in dem ainem vnd sechtzigisten Jar dez Suntages ze mitter Vasten.

Source Fulltext: ZEIBIG, Klosterneuburg (=FRA II/10, Wien 1857) S. 399