Wier Peter von Gotes genaden probst, vnd erczbriester ze Sekkaw Ich Paul, sein bruder Chorherre dacz Sekkaw, Ich Pernger der pranker, Jansen dez Vreysingner aidem, Ich Dyetreich der Prewzzel, ir swager, Wir veriehen - Daz Jans der Vreysingnaer, dem Got genade, die zway fuder perchrechtes, alz sein geschaeftbrief Seit, den wier inne haben, vnd dew sein vreys aigen gewesen sint, mit vnserm gutleichen willen vnd gunst, vnd nach vnser aller Rat vnd ander seiner pesten freunt mit gesampter hant ze der zeit, do er is wol getůn mocht, vnd auch recht het ze tůen, geschaft vnd geben hat nach seins Sůns Jansen tO^ede in die probstey vnd dem Convent ze Neumburch Chlosterhalben brobst Ortolffen dem Volkestorfer vnd allen sein nachchomen - Wier haben in auch die chauf brief dor vber ze einer peszern sicherhait ingeben wie daz perchrecht in vnsers bruder Jansen, dez vreysingnaer gwalt chomen ist. Dor vber - geben wir - den brief versigilten mit vnsern anhangunden insigiln. Der brief ist geben - dreuzehen Hundert Jar, dar nach in dem ainen vnd sechzigisten Jar dez Eritages vor Sand Jorigen tag.

Source Fulltext: ZEIBIG, Klosterneuburg (=FRA II/10, Wien 1857) S. 401-402