Ich Hainreich, der Hinlauf, ze den zeiten Amptman der Schotten ze Wienn Vergich - Das fu^er mich chom, do ich sas an derselben meiner Herren stat an offen gericht Peter, die zeit derselben meiner herren diener vnd chlaget mit Vorsprechen an derselben meiner herren stat, des hochwirdigen herren, hern Donalds abpt des Gotshaus daz den Schotten ze Wienn vnd des ganczen Convent gemain daselbs, die im die recht mit ganczen gewalt heten aufgeben ze flust ze gebin auf die Padstuben gelegen auf dem Miste vor Schottentor ze Wienn ze na\est pei der Newnburger hof vmb ain phunt Wienner phenning gelts Purchrechts, daz die obgenanten mein herren, di Schotten ze Wienn darauf hieten, vnd daz in darauf versezzen wêr, vnd chlagt darumb darauf als lang, daz Valtein der Reudel, di zeit der erbirdigen geistleichen frown Schaffer dacz sand Marien Magdalen vor Schottentor ze Wienn diselben Padstuben an seiner Vrown stat verantwurt mit Vorsprechen, vnd iach, das dieselben sein Vrown die obgenant Padstuben mit Recht vnd auch mit Vrag vnd mit Vrtail in ir gewalt hieten erlangt vnd behabt fu^er ir versezzens Purkrecht vnd fu^er all die Zwispil, die mit recht darauf ertailt vnd gegangen Wern, als ir Gerichsbrief sagt - Do geviel mit vrag vnd mit Vrtail - solden auch fu^erbas die erbirdigen geistleichen frown der gancz Convent gemain dacz sand Marien Magdalen vor Schottentar ze Wienn vnd all ir Nachkomen diselben Padstuben - ledichleichen vnd freileichen haben - Vnd solt ich in des mein Vrchund geben vnd solden si mir darumb mein recht geben, das habent si getan, Vnd wenn ich selb nicht aigens Insigels han, Daruber so gib ich den egenanten erbirdigen Geistlichen frown - den brief - versigilt mit des egenanten meins genedigen Herren Insigel, des hochwirdigen geistlichen Herren, hern Donalds abpt des Gotshauses dacz den Schotten ze Wienn. Der brief ist geben ze Wienn - Drewczehen hundert Jar, darnach in dem Ayn vnd Sechczigisten Jar des nasten Phincztages vor den Phingstveyrtagen.

Source Fulltext: ZEIBIG, Klosterneuburg (=FRA II/10, Wien 1857) S. 402-403