Ich Janns der Chaestler vergich - Das ich - mit des Gruntherren hant, hern Hainreichs dez Wu^erffel, pu^erger ze wienne, zu den zeiten amptmann dez Chlosters ze Newnburch verchauft han meinen hof gelegen ze Meinhartzdorf- da man alle iar von dient dem Chloster ze Newnburch zehen schilling wienner phenning ze gruntrecht vnd den geistleichen vrown datz sand Marein Magdalen ze wienne ain phunt vnd Micheln dem Chleber drew phunt alles wienner phennig ze Purchrecht - als ez mir anerstorben ist von meiner Mumen Junchvrowen Elzbeten von hof- vmb fumf vnd Achczig phunt wienner phenning - Niclasen dem Ekchartzawer, zu den zeiten Harnaschmaister des hochgeporn fu^ersten herczog Rudolffs ze Osterreich, ze Steyr, vnd ze kernden Graf ze Tyrol etc. vnd seiner hausvrowen, vrown Elzbeten - Dar vber so gib ich in disen brief - versigilten mit meinem Insigil - vnd mit dez Gruntherren Insigil - vnd mit dez erbern Ritter insigil hern hansen von Haselaw. - Der brief ist geben ze Wienne - dreutzehen hundert Jar dar nach in dem drew vnd sechczigistem Jar an sand Matheus tage dez heiligen zwelfpoten vnd Ewangelisten.

Source Fulltext: ZEIBIG, Klosterneuburg (=FRA II/10, Wien 1857) S. 407-408