Wir Ru^edolf der Vierd, von Gotes gnaden Erzherzog ze O^esterreich, ze Steyr, ze Karnden, vnd ze Chrain, herre auf ,der Wynndischen Marich vnd ze Portenaw, Graf ze Habspurch, ze Tyrol, ze Phirt vnd ze Kyburg, Margraff ze Purgowe vnd Lantgraf in Elsazzen, Bechennen vnd tun chunt offentlich mit disem briefe allen den, die in sehent, lesent oder hO^erent lesen, nu oder hienach in ku^enfftigen zeiten, Wie das sei, daz fu^erstliche gu^etikait alle ir Vndertanen milteklich bedencken vnd Versorgen sulle, so ist doch ze sundern gnaden vnd besorgnuzz den fu^er ander leutte phlichtig vnd gepunden, die steten Gozdienste geordent sind, Vnd darzu die hab, die sie besizent, mit erbern gastung Gotesfreunden vnd armen Leutten ordenlichen erpietent vnd mittaillent. Darumb ist, Daz wir wolbedacht vnd willeklich, durch Got lauterlich vnd durch trostes vnd Selen hailes willen allen vnsern Vorvordern, Vnser vnd auch vnserr Pru^eder den erbern geistlichen vnsern lieben anda\echtigen u. den Probst vnd dem Convent des Gozhauses ze Newnburg sand Augustins Orden in Pazzower Pystum Vnd demselben irm Gozhause vnser haus gelegen daselbs ze Newnburg auf dem Anger ze ne\echst der Losenhaimerin hause, das von vnsern Vorfordern an Vns chomen was, ainer ewigen, ste\eten vnd Vnwiderruefflichen gabe gegeben haben vnd geben auch mit disem briefe fu^er Vns, vnser Pru^eder Vnd Erben also, daz si vnd ir nachkomen dazselb haus mit allen rechten, nuzen vnd zugehO^erungen eweklich inne haben, niezzen, besezen vnd entsetzen sullent, als ander ir vnd irs Gozhauses Heuser vnd gu^eter, ausgenomen allain dem Cheller vnd der Presse darinne, die wir vns, vnsern Pru^edern vnd Erben an demselben Hause Vorauz behebt haben, Vns vnd nieman andrer erweklich ze wartenn, Vnd sullen auch dazselb haus ob dem Cheller vnd der Prezz mit de\echern, Estreichen vnd mit anderm Paw pezzern vnd versorgen, wenn des not geschieht ane geverd. Wir haben ouch in den namen, als davor, die egenanten geistlichen Leut an ir vnd irs gozhauses stat des egenanten hauses vnd seiner zugehO^erung in der Vorgedachten weise gesezet in nuzlich, leiplich vnd ruwig gewer. Vnd Verhaizzen gne\edeklich fv\er Vns, Vnser Pru^eder, vnd Erben, daz wir dise gabe ste\et vnd Veste haben wellen, vnd die nymmer von dhainerlay sache wegen widerrueffen oder da wider tun, in chain Weise nieman raten, helffen oder getullen, der da wider tun wolte mit gerichte oder ane gerichte, haimlicli oder offenlich in dhainen Weg, Sunder daz Wir ir vnd irs Gozhauses des vorgenanten hauses mit der Vorgedachten Vnderschaid rechter scherm vnd gewer sein sullen vnd wellen, ane alle geverd. Diser gabe sind gezeug der hochgeborn fu^erst Vnser Ohaim her Wenzla Herzog ze Sachsen, des heiligen RO^emischen Reichs Obrister Marschalch, die Erwirdigen herr Johans Bischof ze Brichsen, Vnser lieber fu^erst Vnd Kanzler, her Peter Bischof ze Marcopel, Weich Pischof in Pazzower Pistum, Abt Clemens ze den Schotten ze Wienn, die Edeln Graf Vlreich von Schowmberg, Vnser lieber O^eheim, Graf Vlreich von Cyli, Hauptmann in Chrayn, vnd vnser getrewn Lieben, Eberhart von Walsse von Lynz, Hauptmann ob der Ens, Stephan von Meissaw, Obrister Marschalch, Haidenreich von Meissaw, Obrister Schenck, Alber von Puchaim, Obrister Drugsez, Peter von Eberstorf, Obrister Kamrer, Wilhalm von Chrenspach, Obrister Je\agermaister, Leutolt von Stadekt, Lantmarschalch in O^esterreich¹), Wernhart der Drugsez, Hainreich von Rappach, vnser hofmaister, Hanns von Losperg, vnser Kamermaister, Wilhalm dev Schenck von Liebenberg, Vnser Speismaister, Eberhart der Kastner, Vnser hofschenk, Hainreich der Prenner, Vnser Chuchenmaister vnd vill ander erber Leutte. Vnd ist daz geschehen vnd wart diser brief geben ze Wienn an Eritag vor Sand Michelstag - drewzehenhundert Jar darnach in dem Vier vnd Sechzigisten Jar vnsers Alters in dem fvmf Vnd zwainzigistem vnd vnsers gewalts in dem Sibenden Jar. Wir der Vorgenant Herzog Ruodolf sterken disen brief mit dirr Vnderschrift vnser selbst hant.

Source Fulltext: ZEIBIG, Klosterneuburg (=FRA II/10, Wien 1857) S. 411-413