Ich Jordan vnd ich lutzei sein hausvrow wir veriehen - daz wir - mit vnsers Amptmanns hant Ortolfs des Tuczen zu den zeiten Sluzzler vnd Amptmann ze Newnburch auf dez hertzogen guet verchaufft haben vnser haus gelegen in der Maur zunachst Jansen dem Slozzer - vmb ains vnd dreizzich phunt phenning allez wienner munnizz - dem erbern herren hern Otten zu den zeiten chaplan datz sand Chunigunden vnd auch chaplan ze hiezingen - und hat man von den vorgenanten ains vnd dreizzich phunten ab dem egenanten haus gelost ain phunt gelts mit Newn phunten auz dem vrowen chloster, vnd zwelifthalb phunt sint gevallen Trostlein dem Juden, da ein brief vmb gelost ist - Dez geben wir den brief versigilt mit vnsers amptmanns Insigil dez vorgenanten Ortolfs des Tuczen, dez Sluzzler vnd mit der zweir erbern mann insigil Michels an dem Newsidel dez alten Chuchenmaister vnd Petreins dez Manseber - Der brief ist geben - dreutzehen hundert Jar dar nach in dem vier vnd sechtzigisten Jar an sand Petronellen tag.

Source Fulltext: ZEIBIG, Klosterneuburg (=FRA II/10, Wien 1857) S. 410-411