Ich Nycla von Valbach, vnd mein hausvrow\e und all vnser erben wir veriehen - vmb den hof ze Strebleinsdorf, den ich chauft han von dem erbern manne von Jansen dem Chrueger, von dem vorgenanten hof schol ich mir chain aygenschaft, noch chains rechtens mer Jehen, denn als vil, als er von alter her chO^emen ist, vnd auch der chaufbrief sagt, den ich daruber han. Dar vber gib ich dem Gotshaus ze Newnburch disen prief mit meinn Insigel versigelt vnd mit meins Pru^eder Gorgeins Insigel. Der prief ist geben - Dreuzehen hundert iar darnach in dem Sechs vnd Sechczigisten Jar an sand briccen tag.

Source Fulltext: ZEIBIG, Klosterneuburg (=FRA II/10, Wien 1857) S. 420