Ich Jans von Chirichlinge Vergich vnd tu^en chunt - daz ich hab bedacht vnd angesehen die gnad vnd di Trew, dew mir vnd allen mein fodern geschehen ist vnd auch noch heut ze tage geschieht Von des Gozhaus wegen Vnser VrO^ewen ze Neunburch Chlosterhalben Vnd durich derselben Trewn willen hab ich - gemacht vnd geben ze dem egenanten Gozhaus - alle meine recht, dew ich hab in paiden dorffern daz Chrizendorf vnd ze Otichk - also mit ausgenomen warten, ist daz ich Jans von Chirichlinge mit tod abgen, Vnd nicht Chinder hinder mir lazze, des Got nicht engeb, so schullen dew egenanten Gu^eter Vnd recht alle pei dem egenanten Gozhaus beleiben - Wer aber, daz ich gevangen wu^erd, des Got nicht engeb, Vnd in meiner Veint hand Chaem, daz ich mich ledigen mu^est von meiner hab Vnd alle meiner Gu^eter dorumb Versezen vnd Verchauffen muest, daz ich ledigen waêrde, so schol ich an den egenanten guetern vnd rechten von des Gotzhaus wegen vnd des Conventz Vngeirret weleiben - dar uber - gib ich - den brief Versigelten mit mein Insigel, Vnd mit meiner naechsten pesten freunt Insigel hern Wernhartz von Meissaw, vnd hern Ortliebs des Winchler von der Tunaw - Der brief ist geben - drewzehenhundert Jar darnach in dem Siben vnd Sechtzigisten Jar an sand Agnesen tag der heyligen Junch VrO^ewen.

Source Fulltext: ZEIBIG, Klosterneuburg (=FRA II/10, Wien 1857) S. 422