Ich Vlreich von Aczenpruk vnd ich Erchenger der Alt, vnd ich Hainreich vnd ich Alber von Tauttendorf Pru^eder, vnd ich Erchenger der Ju^eng alle Vetern von Aczenpru^ek - Wir vergehen - Vmb alle ansprach, recht vnd fodrung von Vogtey wegen, oder wie di recht gehaizzen sind, die wir gehabt haben hincz dem Wydemhof ze veld vnd ze dorf - der gelegen ist ze Pyerbaum, der Ee gewesen ist Vlreichs des Nevnhoffer, vnd den Hebl der Ju^ed von Lernpach verchauft hat dem Erwirdigen Herren, hern Ortolfen, Proebst ze Neimburch und dem Convent gemain daselbes. Der vorgenanten Rechten, fodru^eng vnd ansprach aller swie si genant sind, verczeichen wir vns all mit sampt allen vnsern erben - Geben wir dem obgenanten Gotzhaus den Prief versigilten mit Vnserm Aygen anhangenden Insigellen. Der prief ist geben - dreutzechen hundert Jar Vnd darnach in dem Su^eben vnd Sechtzigisten Jar des Naechsten freytages nach dem Heyllingen Prechen Tag.

Source Fulltext: ZEIBIG, Klosterneuburg (=FRA II/10, Wien 1857) S. 421