Ich Jans der Vogel vnd Ich Elspet sein hausfraw wir veriehen - daz wir - verchauft haben ain phunt wienner phenning geltes purchrechtes auf vnser hofstat - gelegen dacz Enczesdorf ze na\echste Chunraten dem Stetner, do man alle iar von dient vnser vrawen Gotshaus ze Newnburch drey vnd zwainczich wienner phenning an sand Michels tag - vmb newn phunt wienner phenning - Dem erbern herren hern Nyclas dem floyt zu den zeiten Chorherr vnd Chelner vnser vrawen Gotshaus der es auch gechauft hat demselben Gotshaus und ist her chomen von Stephan dem Sa\eligshentlein, der ez dem genanten Gotshaus gegeben hat, vnd ist gelegen auf einem weingarten ze Othacherin in dem Hannolczprun‚ vnd hat auch daz selb phunt geltes abgechauft Jans der Luchner vnd haben wir dieselben phenning genomen auf vnser hofstat - Vnd seind wir noch vnser amptman nicht aigen Insigel enhaben vnd auch herr Nyclas der Floyt vnser obrister Amptman gegen im selb vmb chauft recht nicht versigeln mag, so geb wir in den brief versigelten mit des erbern manns Insigel, Hertleins des Wimer - Der prief ist geben - Dreuzehenhundert iar darnach in dem Acht vnd Sechczigisten Jar an sant Blasii tag.

Source Fulltext: ZEIBIG, Klosterneuburg (=FRA II/10, Wien 1857) S. 423-424