Ich Erasem der Wulzendorffer vnd ich Agnes sein hausfrow - wir veriehen - Daz wier - mit vnsers amptmanns hant dez erbern mann Jorigeins pei dem Tor, ze den zeiten Amptmann ze Newnburchk auf dez herczogen guet, vnd mit dez erbern Chorherren hant hern Marichartz von Rust, die zeit obrister Chelnaer des gotshaus vnser vrowen ze newnburchk - verchauft haben vnser haus vnd allez, daz darzugehort niden vnd oben, gelegen daselbs ze neunburch Chlosterhalben an dem grashoff ze naechst der Judenschuel vnd stozzet niden an dew huntzchell vnd an daz Purichtor an den Turn vnd do man auch von selbem vnsern egenanten haus dient dem herczogen an sant Michels tage sechs vnd vierzichk wienner phennige vnd an sant Jorigen tage fumf vnd vierzichk phenninge vnd dem gotshaus vnser vrowen auf die obern Chamer an sant Merteins tage vierzehen wienner phenninge allez ze rechten gruntrecht, vnd den drin Orden, den Terminieraern, Praedigaern, Minnerpru^edern, Augustinaern ain Mutt waitz alle iar an sant Gyligen tage ze vberzins - vmb hundert phunt vnd vmb zwainzichk phunt wienner phernninge - dem Erbern Herren Probst Cholmann, Nyclo dem Techant vnd dem Convent gemain - in ir Oblay - Dor vber - Gib ich - den brief versigelt mit meinem insigil vnd mit des oftgenanten haus amptman insigil Jorigeins pei dem Tor vnd hern Marichartz von Rust, vnd mit meins swager insigil Phylipps dez freysingnaer vnd mit Vlreichs insigil von Rust, vnd mit Vlreichs insigil die zeit spitalmaister ze newnburchk in der purger spitol. - Der brief ist geben - dreutzehen hundert Jar, dor nach in dem drew vnd siebenczigistem Jar an dem heyligen phingst Abent.

Source Fulltext: ZEIBIG, Klosterneuburg (=FRA II/10, Wien 1857) S. 452-453