Wier Agnes von Rosemberch enpieten den erbern vnsern getrewen hansen dem vinczler vnd der gemain vnser holden dacz dem Obern Chriczendorf vnser genad vnd vnsern gruss. wir enphelhen vnd gepieten euch allen gemeinleich mit ernst, vnd wellen, daz ir den erbern vnd dimitigen herren oder iren zehenten des Chlosters von Newnburch alle iar in dem lesen all ewer cheller vnd ander ewer gadem, do wein inn leit, auf sliesset vnd auftuet, daz si die beschawen dar vmb, daz si von euch vnd von andern gesten, di ze euch wein in legen, iren zehent dester paz vnd recht mugen geuarden, vnd auch meinen, waer aber daz, daz es andern herren hu^elden recht do Chriczendorf oder anderswo nicht were, oder auch von||
alter nicht ein recht gewesen wer, sv main wir euch mit dem enpieten vnd auch mit dem prief in diser sach nicht beswaren, vnd der sach ze einem waren vrchvnd haben wir vnser Insigel angedrucht ze disem prief. Geben ze Chrumpnaw Anno Domini Millesimo CCC° LXXIII° die beate Elysabeth.

Source Fulltext: ZEIBIG, Klosterneuburg (=FRA II/10, Wien 1857) S. 454