Cholomannus divina miseracione Prepositus Mon. s. Marie in Nevnburga Can. Reg. ord. s. Aug. Pat. dyoc. Omnibus quorum interest, vel in futurum intererit, salutem in domino. Literas Reverendi in Christo patris domini nostri, domini Alberti pat. Epi nos recepisse noverit in hec verba. Albertus dei et apostolice sedis gracia Epus Patav. Venerabili in christo nobis dilecto Cholomanno Preposito Mon. Neumb. ord. s. Aug Can. Reg. nre dyoc. salutem et grate dilectionis affectum. Vacante nuper Mon. in Hertzogenburga ord. et dioc. predictorum per obitum bone memorie Nycolai novissimi prepositi illius, religiosi viri nobis in Christo dilecti Stephanus Decanus et Conventus eiusdem Mon. in Hertzogenburga vocatis vocandis ad eleccionem futuri prepositi procedentes religiosum virum Johannem dictum snabel de purkstal eorum Concanonicum in suum et dicti sui Mon. prepositum et prelatum, prout pro parte eorum recepimus, concorditer elegerunt, et oblato nobis decreto electionis huiusmodi electionem ipsam per religiosum virum Jacobum de Chrems similiter eorum Concanonicum procuratorem ipsorum nomine procuratorio et pro ipsis a nobis confirmari debita cum instancia pecierunt. Verum quia aliis arduis et inevitabilibus nostris et dicte nostre ecclesie prepediti negociis de meritis eleccionis ipsius et persone electe cognoscere et petite confirmacionis negocio intercedere non possumus, pro presenti, Quare devocioni tue comittimus, quatenus premissa crida seu proclamacione ut est iuris, servatis et servandis, si nullus apparuerit oppositor seu contradictor, et si eleccionem ipsam inveneris in forma debita et de persona ydonea canonice celebratam, ipsam vice et auctoritate nostris confirmare studeas, Preficias electum ipsum eidem Mon. in Hertzogenburga in prepositum et prelatum, ipsumque vt est moris, investias de eodem, Curam et regimen animarum et administracionem spiritualium et temporalium ipsius committendo eidem, Adhibitis solempnitatibus debitis et conswetis et alia in huiusmodi negocio facias, que de iure fuerint facienda Super quibus tibi tenore presencium liberam concedimus facultatem, Ita tamen, quod idem electus, postquam confirmatus fuerit nobis quam cito comode fîeri poterit, prestet iuramentum obediencie solitum et conswetum. Harum testimonio literarum sigilli nostri munimine roboratarum. Dat. Patavie die XI mensis Junii Anno Domini Millesimo CCC° LXX quarto. Volentes itaque mandatum prefati venerabilis domini nostri Episcopi exequi, vt tenemur, cridam seu proclamatorium in monasterio sancti Georgii in Hertzogenburga Can. Reg. ord. et dioc. predictorum publice fieri fecimus, vt si aliquis dicte electioni vel electo opponere vellet, XXII die mensis Junii (spätere Hand, XVI. Octob.) tunc proxime futura coram nobis in dicto Monasterio sancte Marie in Neunburga ord. et dioc. premissorum peremptorie compareret, Et quia predicta die nullus oppositor comparuit, ipso electo et procuratoribus dicti Conventus legittime comparentibus et instanter petentibus, vt in negocio electionis procederemus, prout de iure foret procedendum, Nosque ex decreto electionis predicte et aliis probacionibus invenimus electionem prelibatam fuisse et esse canonice et concorditer celebratam, Nichilque canonicum ipsi electo obsistere, propter quod ipsius electio de iure debebat infirmari Ipsam invocato dei nomine auctoritate memorati reverendi in Xto patris et dni nostri Alberti Epi Patav. duximus confirmandam, Preficientes prenominatum ven. dominum Johannem dictum Snabel de purkstal eidem Monast. Hertzogenb. in prepositum et prelatum, curam||
animarum plebis subiecte ac iurisdictionem et administracionem spiritualium et temporalium ibi eidem comittentes. Quo circa vobis domino Decano et conventui predictis et omnibus aliis et singulis, quorum interest vel intererit in futurum, firmiter iniungimus ac in virtute sancte obediencie et commissionis nobis facte precipiendo mandamus, quatenus sepedictum Johannem in prepositum supradicti Monasterii in Hertzogenburga gratanter recipiatis, sibi obedienciam debitam facientes ac de fructibus, redditibus, Juribus, obvencionibus ac pertinenciis singulis ad preposituram predictam seu Mon. ipsum spectantibus integre et absque diminucione qualibet respondentes, Alioquin sentencias quas vel in vos vel alios rebelles tulerit, faciemus auctoritate prefata auctore domino inviolabiliter observari. In cuius rei evidens testimonium presentes fecimus literas sigilli nostri appensione comunitas. Dat et actum in Mon. Neunb. antedicto XXV die mensis Junii Anno dni Millesimo CCC^mo LXXIV° (spätere Hand: Datum XII. Kal. Novemb.).

Source Fulltext: ZEIBIG, Klosterneuburg (=FRA II/10, Wien 1857) S. 457-459