In nomine domini. Amen. Anno nativitatis eiusdem Millesimo Trecentesimo Septuagesimo quarto, Indicione XIII die XII mensis Novembris hora vesperarum vel quasi Pontificatus sanctissimi in Xsto patris et dni nostri domini Gregorii divina providencia pape vndecimi anno quarto in mei Notarii publici testiumque subscriptorum presencia personaliter constitutus Venerabilis in Xsto pater et dominus, dominus Cholomannus prepositus Mon. b. Marie Virg. in Newnburga patav. dioc. suo et sui Conventus nomine ab vna, nec non Wernhardus dictus Kilian, rector parochialis ecclesie in Czwentendarf parte ex altera super omni lite, causa, questione seu controversia, qua idem Kilianus adversus prefatum dnum prepositum et suum Monasterium movit hactenus et pro tunc movebat, seu movere intendebat in Romana Curia et extra de et super quodam annuo censu bladi et pecuniarum de quadam curia sita in Pirpaum infra parochiam antedictam in Czwentendorf hactenus diucius non soluto, bladi videlicet XXXII metretas vtriusque grani pecunie autem census XXX den. dampno vero expensarum et interesse occasione census non soluti perpensorum et habitorum sub pena inferius expressa, In honorabiles viros et dnos Johannem de Ehing Cancellarium Illustris principis dni Alberti ducis Austrie Styrie et Karinth etc. et dnum Johannem de Pergaw‚ decret. doctorem, Canon. Ecclesie et Offic. Curie Patav. ibidem presentes tamquam in arbitros, arbitratores et amicabiles compositores voto vnanimi compromiserunt ac eciam convenerunt stipulacionibus hinc inde intervenientibus promittentes michi et dictis arbitris seu arbitratoribus eorum arbitrio, laudo et precepto stare parere et obedire, et quod omne laudum, arbitrium et diffinicionem seu pronunciacionem et concordiam, quam dicti arbitratores et compositores amicabiles inter eos duxerint faciendam seu ordinandam in scriptis vel sine scriptis, semel vel pluries, diebus feriatis et non feriatis, sedendo, stando, qualitercunque, vbicunque ipsis partibus presentibus vel absentibus observabunt, laudabunt et emologabunt et per alios, in quantum in eis est, facient observari, laudari et emologari et contra illa non venient in aliquo aliqua racione seu causa de iure vel facto sub pena centum et viginta librarum den. Wyenn, taliter limitanda, quod pars laudo contrafaciens in toto vel in parte dno nostro Pataviensi Epo in centum et cuilibet arbitratori in decem libr. den. Wyenn. nomine pene obligetur, et quod nichilominus laudum seu arbitrium occasione conpromissi presentis secundum plenam obtineat firmitatem Postquam ipsi arbitratores seu amicabiles compositores electi communiter et concorditer a dictis partibus habita solempni deliberacione auditis et intellectis omnibus, que super questione predicta dicere et ostendere voluerunt et utriusque parcium investigata et agnita voluntate pro bono pacis atque concordie ex vigore compromissi predicti in ipsos facti pronunciaverunt, laudaverunt et dixerunt. Primo quod vener. in Xto pater dom, prepositus et Wernhardus dictus kilian predicti debent esse boni amici et affectuose insumul se tractare. Expensas vero hinc inde in lite factas, nec non IIII libr. den. Wyenn. omnimode removentes, super censu autem vtriusque grani siliginis et avene arbitrati sunt, quod prefatus d. prepositus et Conventus Monasterii predicti ac ipsorum successores, qui pro tempore erunt, singulis annis solvere tenentur, prout a retroactis temporibus solvere consvewerunt XXXI metr. vtriusque grani, tam siliginis, quam avene. Super eo vero, vbi d. prepositus dixit se solvisse neglecta dicti grani et ipse Kilianus dixit, quod non solvent, pronunciaverunt sic. Si dominus Kilianus posset legitime docere, quod a temporibus retroactis XXXII metr. dicti grani sint sibi et antecessoribus suis singulis annis persolute racione census predicti, ex tunc dictus dominus prepositus eiusque Conventus et ipsorum successores totum solvere debebunt vnacum neglectis, sin autem non docuerit tunc tantummodo solvat XXXI metr. vtriusque grani, vt supra est expressum. Super XXX. den. reddituum dicte vsualis monete, quos dictus dominus Kilianus sibi asserit solvendos, arbitrati sunt taliter, quod ipse Kilianus tenetur similiter per legitima documenta docere de eisdem. Vltimo expresserunt et pronunciaverunt super Curia sita in villa pirpawm quam Curiam prefatus venerabilis prepositus suusque Conventus in suis edificiis ruitur restaurare debent et reedificare infra spacium vnius anni. Hec omnia et singula laudaverunt, pronunciaverunt et mandaverunt fieri, observari et adimpleri sub pena superius in compromisso expressata in singulis talis laudi et compromissi positis, si contrafactum fuerit, committend. salvo iure arbitrantis et potestate declarandi reservatis super predictis, ubicunque et quociescunque et quandocunque fuerit opportunum. Super quibus omnibus et singulis prefati arbitri seu arbitratores pecierunt a me Notario subscripto fieri hoc presens publicum instrumentum sigillis ipsorum appensione roboratum. Acta sunt hec Wyenne patav. dioc. predicte Anno, Indic. Mense, die, hora et pontif. quibus supra in domo habitacionis prefati honorabilis viri domini Johannis de Pergaw Officialis predicti presentibus dominis Magistro Nicolao plebano in Apstorf, Nicolao Stainer, cive Wyennensi Leonhardo Not. publico patav. dioc. testibus ad premissa vocatis pariter et rogatis.||
Et ego Johannes, Johannis de Polna., cleric. Pragensis dioc. etc.

Source Fulltext: ZEIBIG, Klosterneuburg (=FRA II/10, Wien 1857) S. 459-461