Ich Ulrich, Ich Christoffen, Ich Peter prueder, Jacobs su^en dez alten sluzzler sun, dem got genad. Vergehen vmb die newn Jeuchart akchers gelegen in Pusemperger Veld, die syben zw nachst Vlreichen dem En, vnd die zwo zunachst lienharten dem En, die vnser vater Jacob mit vnser stewfmvter vrown dorothee chauft hat. Haben wir vns furtzicht getan aller der recht vnd Wartung, die wir vnd vnser erben an den selben akchern gehabt haben vnd haben die mit der egenanten Akcher Purkch Herren vnd amptmanns handen aufgeben der erbern vrown, vrown Dorothee vnser stewfmuter - Vnd dez ze vrchund geben wir in den brief versigilten mit dez erbern mans insigil gebhartz dez floiten den der siben Jeuchart purkch herrr ist, vnd mit dez erbern Ritter insigil, hern Hannsen des Chnvsser, den sein amptman philipp der en an seiner stat darumb peten hat - Der brief ist geben - drewtzehen hundert Jar darnach in dem Newn vnd Sybenczigisten Jar an sand Lavrentii Abend.

Source Fulltext: ZEIBIG, Klosterneuburg (=FRA II/28, Wien 1868) S. 2-3