Ich Schalam der Jud, vnd mein erben wir vergechen - Das ich - mit vnsers pergmaister hant, hern Wisente auff dem Anger, des alten slu^essler son, di zeit pergmaister vnser frawn gotzhaus ze newnburkch klosterhalben - verkaufft haben vnser virtail weingarten Im zeytreichsgraben ze nachst dem weingarten, der do haisset die Geygerinn, do man alle iar von dint vnser frawen gotshaus ze perkrecht ein emmer weins vnd ein helbling ze voitrecht - vmb zehen phunt wienner phennig - dem peschaiden mann hermann dem Helmbrich, purger ze Wienn vnd frawn Elspeten seiner hausfrawen - Wann ich egenanter schalam der Jud nicht aigen insigel han‚ so gib ich vnd mein erben In den prief versigelten mit vnsers egenanten pergmaister insigl, hern Wisentz auff dem Anger - Auch hab wir vleyzzig gepeten den erbern mann Niclasen von Muczesperg, dy zeit Judenrichter zu Newnburgk klosterhalben - Der brief ist geben - drewczehen hundert Jar darnach in dem Newn vnd Sybenczigistem Jare an Sand Margareten Abend, der heyligen Junkchfrawen.

Source Fulltext: ZEIBIG, Klosterneuburg (=FRA II/28, Wien 1868) S. 2